• 07 Dec, 2022 09:47

What happens if you fail to pay EMI: गृह कर्जाचा EMI न भरल्यास काय होते, वाचा

Home Loan Default , NPA, EMI Unpaid, EMI

What happens if you fail to pay EMI: कर्ज घेताना जितका त्रास होतो तितकाच त्रास किंवा त्याहून अधिक त्रास कर्ज फेडताना होतो. अचानक होणाऱ्या खर्चामुळे काही वेळा आपला गृह कर्जाचा मासिक हप्ता (EMI) चुकतो किंवा भरता येत नाही. गृहकर्जाचा हप्ता वेळेत भरला जात नाही तर पुढे काय होते, ते जाणून घेऊया.

If you fail to Pay EMI: आपल्या स्वप्नातील घर घेणे आता होम लोन्समुळे शक्य झाले आहे. होम लोन (Home Loan) तुम्हाला स्वप्नातील घर घेण्यास मदत करतात. गृहकर्जे तुम्हाला करांमधून सूट मिळण्यास मदत करतात. मात्र ही गृहकर्जे मोठ्या कालावधीसाठी असतात. केवळ 75 ते 90 टक्के प्रॉपर्टीची रक्कम गृहकर्जातून उपलब्ध होते. प्रॉपर्टीसाठीची उर्वरित रक्कम डाउन पेमेंटने भरावी लागते. विशेषत: आर्थिक संकटे किंवा नोकरी गमावल्यास हे दीर्घ ईएमआय भरण्याचे ओझे होते. काही वेळा आपण्याला गृहकर्जाचा ईएमआय भरण्यास  ठरतो किंवा आपल्याकडून गृहकर्जाचा हप्ता वेळेत भरला जात नाही अशावेळी काय होते ते पाहूया.

कर्जाचा हप्ता न भरल्यास काय होते? (What Happen If EMI Not Paid for Long Time?)

तुम्ही गृह कर्जाचा हप्ता भरण्यास असमर्थ ठरलात तर बँक किंवा हाउसिंग फायनान्स कंपनी ज्यांच्याकडून तुम्ही घरासाठी कर्ज घेतले आहेत ते इतर मार्गाने तुमच्याकडून पैसे वसूल करू शकतात. अशावेळी जोपर्यंत तुम्ही कर्जफेड करत नाही तोपर्यंत सावकाराकडे तुमचे घर गहाण असेल. तुम्ही सलग तीन महिने आपल्या ईएमआयचा भरणा न केल्यास सावकार आपल्याला पेमेंटचे रिमायंडर पाठवतो. पैसे न भरल्यास मालमत्तेचा लिलाव करून त्याचे कर्ज वसूल करण्याचा अधिकार सावकाराला आहे. आणखी एक तोटा असा आहे की, जर तुम्ही तुमचे ईएमआय भरण्यास असमर्थ ठरलात आणि जर तुम्ही डिफॉल्टर बनलात तर तुमचा क्रेडिट स्कोअर कमी होईल, ज्यामुळे भविष्यात पैसे उधार घेणे तुमच्यासाठी आव्हानात्मक होऊ शकते.

लक्षात ठेवण्याचे मुद्दे

  • तुम्ही तुमच्या वैयक्तिक खर्चाची काळजी घेतली पाहिजे आणि गृहकर्ज परतफेडीसाठी नियमित बचतीसाठी नियोजन आणि बजेटिंग केले पाहिजे.
  • तुमचे कर्ज नॉन-परफॉर्मिंग अॅसेट म्हणून वर्गीकृत होण्यापूर्वी,  तुमच्याकडे थकबाकी (एनपीए) भरण्यासाठी 90 दिवस असतात.

एनपीए म्हणजे काय? (What is NPA?)

एनपीए म्हणजे नॉन परफॉर्मिंग असेट्स अर्थात बँकांची अनुत्पादित मालमत्ता. बँका आणि इतर वित्तीय संस्थांकडून दिलेली कर्जे ज्यांची मूळ रक्कम 90 दिवस झाल्यानंतरही थकीत स्थितीत आहेत. कृषी कर्जासाठी एनपीए हा दोन हंगामासाठी असतो. सामान्य लोकांसाठी एनपीए 90 दिवसांचा असतो. सोप्या भाषेत सांगायचे झाले तर, जर ग्राहकांनी विशिष्ट कालावधीसाठी मुद्दल रक्कम आणि व्याजाची परतफेड केली नाही, तर अशी कर्जे नॉन परफॉर्मिंग अॅसेट किंवा एनपीए मानली जातात.

एनपीएचे 4 प्रकार (Types of NPA)

प्रमाणित मालमत्ता – Standard Assets, निम प्रमाणित मालमत्ता – Sub Standard Assets, संशयास्पद मालमत्ता – Doubtful Assets आणि बुडीत मालमत्ता - Loss Assets असे प्रकार आहेत.