शैक्षणिक कर्ज काढताना अनेकदा अपुऱ्या माहितीमुळे नुकसान होण्याची शक्यता असते. त्यामुळे शिक्षणासाठी कर्ज काढताना संपूर्ण माहिती घेणे गरजेचे असते. बँकाकडून कर्ज देताना छुपे शुल्क आकारले जाते व याचा फटका कर्जदाराला बसतो. त्यामुळे तुम्ही देखील शैक्षणिक कर्ज काढण्याचा विचार करत असाल तर त्याआधी छुप्या शुल्कांविषयी जाणून घेणे महत्त्वाचे ठरते. 

कोणत्या बँकेकडून घ्यावे कर्ज?

शैक्षणिक कर्ज काढताना फारशी समस्या येत नाही. आवश्यक कागदपत्रे व तारण ठेवण्याची क्षमता असल्यास कोणत्याही बँकेकडून सहज कर्ज उपलब्ध होते. परंतु, कर्ज घेताना योग्य बँकेची निवड करणे गरजेचे आहे. 

खासगी बँक, सरकारी बँक व एनबीएफसी अशा विविध वित्तीय संस्थांच्या माध्यमातून कर्ज दिले जाते. परंतु, कर्ज काढताना या सर्वांची तुलना करणे गरजेचे आहे. तुलना करताना प्रामुख्याने व्याजदर, कर्ज फेडण्याचा कालावधी, मोरेटोरियम कालावधी, प्रोसेसिंग फी व इतर अतिरिक्त शुल्काचा माहिती घ्यायला हवी. सर्व गोष्टींची तुलना करून योग्य सुविधा देणाऱ्या बँकेची कर्जासाठी निवड करावी.

छुप्या शुल्काचा बसेल फटका

कर्जाशिवाय उच्च शिक्षण पूर्ण करण्याचे मार्ग

शिक्षण पूर्ण करण्यासाठी कर्ज काढणे हा चांगला पर्याय असला तरीही याचा सर्वात शेवटचा मार्ग म्हणून वापर करायला हवा. कारण, उत्पन्न सुरू होण्याआधीच विद्यार्थी कर्जबाजारी होतात. याशिवाय, शिक्षण पूर्ण झाल्यानंतरही कर्ज फेडावे लागते. शिक्षण पूर्ण केल्यानंतर नोकरी मिळेलच याचीही हमी नसते. त्यामुळे कर्जाशिवाय, उच्च शिक्षण पूर्ण करण्याचा प्रयत्न करायला हवा.

कर्जाशिवाय उच्च शिक्षण पूर्ण करण्याचे सर्वोत्तम मार्ग हा शिष्यवृत्ती आहे. तुम्ही शिष्यवृत्तीच्या मदतीने तुम्ही परदेशात जाऊनही शिक्षण पूर्ण करू शकता. याशिवाय, ऑनलाइन शिक्षणाचाही चांगला पर्याय उपलब्ध आहे. तुम्ही शिक्षण पूर्ण करतानाच पार्ट टाईम नोकरीद्वारे आर्थिक गरजा पूर्ण करू शकता.