• 07 Dec, 2022 08:05

Tata Group Job Offer: ट्विटर, 'मेटा'मधून नोकरी गमावलेल्या कर्मचाऱ्यांना टाटा ग्रुपची ऑफर

Tata Motors, Tata Group, Twitter Mass Layoff, Meta Job Cut

Tata Group Job Offer: ट्विटर, फेसबुकची मूळ कंपनी मेटा यासारख्या अनेक कंपन्यांनी आपल्या कर्मचाऱ्यांना कामावरून काढण्यास सुरुवात केली आहे. त्यामुळे लोकांसमोर बेरोजगारीचे संकट निर्माण झाले आहे.

जागतिक मंदीचे सावट जगभरात दिसत आहे. अमेरिकेतील अनेक मोठ्या सोशल मीडिया प्लॅटफॉर्म आणि कॉर्पोरेट कंपन्यांनी आपल्या कर्मचाऱ्यांना कामावरून काढण्यास सुरुवात केली आहे. ट्विटर, फेसबुकची मूळ कंपनी मेटा यासारख्या अनेक कंपन्यांनी आपल्या कर्मचाऱ्यांना कामावरून काढण्यास सुरुवात केली आहे. त्यामुळे लोकांसमोर बेरोजगारीचे संकट निर्माण झाले आहे. अशा परिस्थितीत भारतातील दिग्गज टाटा कंपनीने अशा मोठ्या कंपन्यांमधून टाकलेल्या कर्मचाऱ्यांना मदतीचा हात पुढे केला आहे. टाटा मोटर्सने आपल्या ब्रिटीश उपकंपनी जग्वार लँड रोव्हरमध्ये मेटा आणि ट्विटरमधून काढून टाकलेल्या कर्मचाऱ्यांना नोकरीची ऑफर दिली आहे.

ब्लूमबर्गमध्ये प्रसिद्ध झालेल्या अहवालानुसार, जग्वार लँड रोव्हर कंपनी ट्विटर, मेटा आदी मोठ्या कंपन्यांमधून काढून टाकलेल्या कर्मचाऱ्यांना विविध विभागांमध्ये नोकरी देणार आहे. अभियांत्रिकी सेवेसोबतच डिजिटल सेवेत काम करणाऱ्या लोकांचाही समावेश आहे.

टाटा मोटर्सची जग्वार देणार 800 रोजगार

टाटा मोटर्सच्या जग्वार लँड रोव्हरने सांगितले की, यामुळे विविध क्षेत्रात काम करणाऱ्या अनेकांना रोजगार मिळेल. कंपनीने आश्वासन दिले आहे की ती सध्या सुमारे 800 नवीन रोजगार निर्माण करणार आहे. यामध्ये डेटा सायंटिस्ट, मशीन लर्निंग, इलेक्ट्रिफिकेशन, क्लाउड सॉफ्टवेअर, आर्टिफिशियल इंटेलिजन्स आणि ऑटोनॉमस ड्रायव्हिंग इत्यादीसारख्या अनेक क्षेत्रातील लोकांसाठी नोकरीच्या संधी उपलब्ध करून दिल्या आहेत.

Apple भारतात बंपर जॉब देईल

यासोबतच भारतातही लवकरच नोकरीच्या संधी निर्माण होणार आहेत. आयफोन निर्माता Apple ने बेंगळुरूमधील होसूर जवळ आपला कारखाना सुरू केला आहे, ज्याद्वारे ते भारतातील हजारो लोकांना रोजगार उपलब्ध करून देणार आहेत. या प्रकरणाची माहिती देताना दूरसंचार आणि माहिती तंत्रज्ञान मंत्री अश्विनी वैष्णव यांनी सांगितले की, देशभरात 60 हजारांहून अधिक लोकांना नोकऱ्या मिळणार आहेत.