डेब्ट म्युच्युअल फंड गुंतवणूकदारांसाठी जोखीम कमी करण्याच्या उद्देशाने सेबीने नवीन नियम लागू केला आहे. सेबीने (Security Exchange Board of India-SEBI) म्हटले आहे की म्युच्युअल फंड योजना AAA रेटिंगसह एकाच जारीकर्त्याद्वारे जारी केलेल्या कर्ज आणि मनी मार्केट सिक्युरिटीजमध्ये तिच्या NAV च्या 10 टक्क्यांपेक्षा जास्त गुंतवणूक करू शकत नाही. AA साठी जोखीम (Risk) मर्यादा 8 टक्क्यांपेक्षा जास्त नसावी. त्याच वेळी, A आणि त्यापेक्षा कमी रेटिंग असलेल्या कंपन्यांसाठी जोखीम मर्यादा 6 टक्के असेल. या नियमामुळे डेब्ट फंडात गुंतवणूक करणाऱ्या वैयक्तिक गुंतवणूकदारांसाठी अधिक विश्वासार्हता निर्माण होण्यास मदत होणार आहे.
SEBI ने मे 2022 मध्ये पॅसिव्ह फंड आणि 'ईटीएफ'साठी हे नियम अनिवार्य केले आणि आता ते अक्टिव्ह फंड मध्ये देखील लागू केले आहेत. सेबीने सांगितले की, एएमसीच्या विश्वस्त मंडळ आणि संचालक मंडळाच्या पूर्व परवानगीने अनिवार्य गुंतवणूक मर्यादा योजनेच्या एनएव्हीच्या 2 टक्क्यांपर्यंत वाढविली जाऊ शकते. सेबीने परिपत्रकात म्हटले आहे की, कोणत्याही जारीकर्त्याच्या कर्ज साधनांमध्ये (debt instruments) म्युच्युअल फंडांच्या गुंतवणुकीत विसंगती टाळण्यासाठी, सक्रियपणे व्यवस्थापित म्युच्युअल फंड योजनांसाठी एकसमान क्रेडिट रेटिंग आधारित एकल जारीकर्ता मर्यादा लागू करण्याचा निर्णय घेण्यात आला आहे.
चांगल्या परताव्याचा लोभ कमी होईल (Greed for Good Returns Will Diminish)
म्युच्युअल फंड व्यवस्थापकांचा असा विश्वास आहे की या हालचालीमुळे सक्रिय डेब्ट म्युच्युअल फंडांच्या पोर्टफोलिओमध्ये अनेक प्रकारे सुधारणा होईल. हे पाऊल AAA रेट केलेल्या डेब्ट इन्स्ट्रुमेंट्सच्या खाली डेट फंडांमध्ये गुंतवणूक करून अधिक वैविध्य आणण्यास भाग पाडेल. 2018 च्या क्रेडिट संकटानंतर डेब्ट फंड सुरक्षित करण्यासाठी सेबीच्या अनेक पावलांचा हा एक भाग असल्याचे फंड व्यवस्थापकांचे मत आहे. या व्यवस्थापकांचे म्हणणे आहे की बाजार रिस्क आणि रिवार्डच्या चक्रातून जातात परंतु नियमांमुळे चांगल्या परताव्याचे आमिष कमी होण्यास मदत होते.
रिटेल गुंतवणूकदारांसाठी डेब्ट फंड विश्वासार्ह (Debt Funds Will be Reliable for Investors)
फिक्स्ड आयचे प्रमुख महेंद्र जाजू म्हणाले की, सर्वप्रथम, पोर्टफोलिओमध्ये कमी रेटेड डेब्ट इन्स्ट्रुमेंट्सवर लक्ष केंद्रित करणे फंड सुरक्षित करण्यात मदत करेल. पोर्टफोलिओ अधिक वैविध्यपूर्ण होतील. याद्वारे डेब्ट फंड रिटेल गुंतवणूकदारांसाठी अधिक विश्वासार्ह आणि सुरक्षित बनवण्याचा सेबीचा प्रयत्न आहे.
