देशातील करोडो शेतकऱ्यांसाठी एक आनंदाची बातमी आहे. 2,000 रुपये (पीएम किसानचा 13 वा हप्ता) लवकरच शेतकऱ्यांच्या खात्यात हस्तांतरित होणार आहेत. पीएम किसान योजनेच्या लाभार्थ्यांना लवकरच, 2,000 रुपयांचा हप्ता प्रधानमंत्री किसान सन्मान निधी (PM-Kisan Samman Nidhi) योजनेअंतर्गत दिला जाणार आहे. योजनेत नोंदणी केलेले शेतकरी पीएम किसानच्या (PM Kisan) पोर्टलवर जाऊन लाभार्थ्यांच्या यादीत त्यांचे नाव तपासू शकतात. आम्‍ही तुम्हाला सांगू इच्छितो की प्रधान मंत्री किसान सन्मान निधी योजना ही शेतकऱ्यांची सर्वात पसंतीची योजना आहे. या योजनेंतर्गत देशातील कोट्यवधी शेतकऱ्यांना दरवर्षी सहा हजार रुपयांची आर्थिक मदत दिली जाते, जी थेट शेतकऱ्यांच्या खात्यावर पाठवली जात असते. देशभरातील शेतकरी आता या योजनेच्या 13व्या हप्त्याची वाट पाहत आहेत.
योजनेचा लाभ घेण्यासाठी याप्रमाणे नोंदणी करा
शासनाच्या या योजनेचा लाभ घेण्यासाठी शेतकऱ्यांनी आपली नोंदणी करणे आवश्यक आहे. शेतकरी पीएम किसान योजनेत ऑनलाइन आणि ऑफलाइन नोंदणी करू शकतात. ऑनलाइन नोंदणीसाठी, https://pmkisan.gov.in/ वर जावे लागेल. त्याच वेळी, किसान कॉमन सर्व्हिस सेंटर (PM-Kisan Common Service Center) वर जाऊन नोंदणी देखील केली जाऊ शकते. मीडिया रिपोर्ट्सनुसार, पीएम किसान योजनेचे पैसे केंद्र सरकारकडून 23 जानेवारी 2023 रोजी जारी केले जाऊ शकतात. हा दिवस नेताजी सुभाषचंद्र बोस यांची जयंती देखील आहे. हा दिवस भारत सरकार ‘पराक्रम दिवस’ म्हणून साजरा करते. पराक्रम दिवसाचे औचित्य साधून या योजनेचे पैसे शेतकऱ्यांच्या खात्यावर पाठवले जाण्याची शक्यता आहे. मात्र, यासंदर्भात सरकारकडून अद्याप कोणतीही अधिकृत घोषणा करण्यात आलेली नाही.
अशा प्रकारे घरबसल्या ऑनलाइन नोंदणी करा
- प्रथम https://pmkisan.gov.in/ वेबसाइटवर जा
- नवीन शेतकरी नोंदणी टॅबवर (Register Tab) क्लिक करा
- आता तुमचा आधार क्रमांक (Aadhar Number) टाका
- कॅप्चा कोड (Captcha Code) भरल्यानंतर तुमचे राज्य निवडा
- तुमचे बँक खाते आणि शेतीची माहिती भरा
- सबमिट (Submit) वर क्लिक करा
- याप्रमाणे तुमचं नाव यादीत आहे की नाही ते तपासा
जर तुमचे नाव यादीत नसेल, तर तुम्हाला किसान सन्मान निधीच्या 13 हप्त्यांचा लाभ मिळू शकणार नाही. यादीत तुमचे नाव पाहण्यासाठी, सर्वप्रथम तुम्हाला पीएम किसान पोर्टल pmkisan.gov.in वर जावे लागेल. वेबसाइट उघडल्यानंतर मेनूबार पहा आणि 'फार्मर्स कॉर्नर' वर क्लिक करा. आता लाभार्थी यादी टॅबवर क्लिक करा. तुमचे राज्य, जिल्हा, उपजिल्हा, ब्लॉक आणि गावाची माहिती येथे दिल्यानंतर 'Get Report' वर क्लिक करा.
