केंद्रीय अर्थमंत्री निर्मला सीतारामन यांनी बुधवारी 1 एप्रिलपासून सुरू होणाऱ्या आर्थिक वर्षाचा केंद्रीय अर्थसंकल्प सादर केला. 2023-24 च्या केंद्रीय अर्थसंकल्पात अर्थमंत्र्यांनी प्रस्तावित केल्यानुसार, स्वयंपाकघरातील इलेक्ट्रिक चिमणी यांसारख्या मोठ्या प्रमाणात वापरल्या जाणार्‍या वस्तू महाग होणार आहेत.
आर्थिक वर्ष 2023-24 मध्ये स्वस्त आणि महाग होणार्‍या वस्तूंची ही यादी आहे:
- सोन्याच्या सळ्यांपासून (Gold Bar) बनवलेल्या वस्तूंवरील कस्टम ड्युटीत वाढ.
- स्वयंपाकघरातील इलेक्ट्रिक चिमणीवर सीमाशुल्क 7.5% वरून 15% पर्यंत वाढले
- निर्यातीला चालना देण्यासाठी सरकार कोळंबी खाद्यावरील सीमाशुल्क कमी करणार आहे.
- तांब्याच्या भंगारावर सरकार 2.5 टक्के सवलत मूळ सीमाशुल्कासह सुरू ठेवणार आहे.
- निवासी घरांमधील गुंतवणुकीवरील भांडवली नफ्यातून वजावट ₹ 10 कोटींपर्यंत मर्यादित करण्याचा सरकारचा प्रस्ताव आहे.
- मोबाईल फोन निर्मितीसाठी काही इनपुट्सच्या आयातीवरील सीमाशुल्कात कपात.
- टीव्ही पॅनलचे सीमा शुल्क 2.5 टक्क्यांपर्यंत कमी केले जाईल.
- काही पार्ट्स आणि कॅमेरा लेन्स सारख्या वस्तूंच्या आयातीवरील सीमा शुल्कात सवलत आणि बॅटरीसाठी लिथियम-आयन सेलवरील सवलतीचे शुल्क आणखी एक वर्ष सुरू राहील.
