Unacademy's plan to start an offline center failed: एज्युकेशन-टेक्नॉलॉजी (EdTech) प्लॅटफॉर्म अनॅकॅडमीने (Unacademy) ऑफलाइन कोचिंग सेंटर्स उघडण्याची त्यांची योजना अनिश्चित काळासाठी पुढे ढकलली आहे. देशातील दुसरी सर्वात मोठी एडटेक कंपनी अनॅकॅडमी जानेवारी महिन्यात तब्बल 10 शहरांमध्ये ही कोचिंग सेंटर्स सुरू करण्याची तयारी करत होती. मनीकंट्रोलच्या अहवालानुसार, मोठ्या संख्येने स्टार शिक्षक निघून गेल्यामुळे आणि विद्यार्थ्यांची नोंदणी कमी झाल्यामुळे कंपनीने ही महत्त्वाकांक्षी योजना मार्चपर्यंत पुढे ढकलली आहे.
प्रेपलॅडर (PrepLadder) ही कंपनी अनअकॅडमीने 2020 साली 374.6 कोटींना विकत घेतली होती. हा प्लॅटफॉर्म स्पर्धात्मक परिक्षेसाठी विद्यार्थ्यांची तयार करून घेतो. या प्लॅटफॉर्मवर कार्यरत असणारे 19 पैकी 14 शिक्षकांनी राजीनामा दिला आहे. हे शिक्षक या प्लॅटफॉर्मच्या वाढीचा चेहरा मानला जात होते, ते अनअकॅडमी आणि प्रेपलॅडरचे स्टार शिक्षक होते. गेल्या चार महिन्यात त्यांनी राजीनामा दिला आहे. यामुळेच कोणत्याही शहरात एकही संस्था उघडण्यासाठी अनअकॅडमीला पुरेशी विद्यार्थ्यांची नोंदणी मिळवता आलेली नाही. प्रेपलॅडरची सुरुवात 2016 मध्ये दिपांशू गोयल, वितुल गोयल आणि साहिल गोयल यांनी चंदीगड येथे केली होती. त्याच्या सक्रिय ग्राहकांची संख्या सुमारे 85 हजार आहे.
स्टार शिक्षकांशी वाद (Arguments with star teachers)
नोव्हेंबरमध्ये, पेरीपलॅडरने ट्विट केले की डॉ गोविंद राय गर्ग, डॉ विवेक जैन, डॉ स्पर्श गुप्ता, डॉ प्रवीण त्रिपाठी आणि डॉ अपरुव मेहरा प्रीपलॅडर सोडत आहेत. सूत्रांनी दिलेल्या माहितीनुसार, आणखी नऊ शिक्षकांनीही राजीनामा दिला आहे. हे शिक्षक नीट, पीजी मंडळांमध्ये खूप लोकप्रिय आहेत. शिक्षकांच्या राजीनाम्यानंतर, प्रेपलॅडरच्या मासिक वर्गणीत जवळपास एक तृतीयांश घट झाली आहे. या शिक्षकांनी कंपनीवर फसणुकीचा आरोप केला आहे. कंपनीने न सांगता पगार कपात केली आहे, पगारातील पैसे खाल्ले असल्याचा आरोप आहे. डॉक्टर विवेक जैन या एका शिक्षकाने त्यांच्या थकबाकीबाबत कंपनीविरुद्ध दिल्ली उच्च न्यायालयात याचिका दाखल केली आहे, तर इतर 6 शिक्षकही तसे करण्याच्या विचारात आहेत.
या शहरांमध्ये ऑफलाइन केंद्रे (Offline centers in these cities)
प्रेपलॅडरने आपल्या न्यूझलेटरमध्ये पुरवलेल्या माहितीनुसार, बेंगळुरू, मुंबई, हैदराबाद, लखनऊ, दिल्ली, अहमदाबाद, चेन्नई, इंदूर, जयपूर आणि कोलकाता येथे केंद्रे उघडण्याची त्यांची योजना आहे. तथापि, सूत्रांनुसार, प्रेपलॅडर न्युरोजॉला कोलकाता, लखनऊ, बेंगळुरू आणि हैदराबाद सारख्या काही प्रमुख शहरांमध्ये खूप कमी प्रतिसाद दिसला आहे आणि त्यामुळे कंपनी या शहरांमध्ये केंद्रे उघडण्याच्या आपल्या योजना पुढे जात नाही. ज्यामध्ये, 90 दिवसांपेक्षा जास्त व्यवसायासाठी कायमस्वरूपी GST लागू केला जातो, तर PrepLadder Neuros ने कोलकाता आणि लखनौ सारख्या शहरांमध्ये तात्पुरत्या GST साठी अर्ज केला आणि तो मागे घेतला.
फायदेशीर होण्यासाठी पावले (Offline centers in these cities)
प्रेपलॅडर हे अनअकॅडमीचे आजपर्यंतचे सर्वात मोठे संपादन आहे आणि अनअकॅडमीच्या वाढीसाठी ते महत्त्वपूर्ण आहे कारण कंपनीच्या एकूण कमाईच्या जवळपास पाचव्या भागामध्ये ते योगदान देते. अनअकॅडमीला पूर्णपणे फायदेशीर होण्याचे उद्दिष्ट साध्य करायचे आहे आणि त्यासाठी त्यांनी आपल्या कर्मचाऱ्यांची संख्या निम्म्याने कमी केली आहे. गेल्या वर्षी कंपनीने 1 हजार 200 कर्मचाऱ्यांना कामावरून काढून टाकले होते.
