Retirement Planning : आधुनिक काळात गुंतवणुकीचे अनेक ऑप्शन आहेत. कमाईला सुरवात केली की गुंतवणुकीला सुरवात केली पाहिजे. तरूण वयातच गुंतवणुकीची सुरुवात केली तर पुढे काही अडचण येत नाही. बहुतेक लोक वाढत्या वयानुसार गुंतवणुकीला सुरवात करतात, ज्यामुळे ते चांगली रक्कम जमा करण्याची संधी गमावून बसतात आणि त्यांचे नुकसान होते.
कमी वयात गुंतवणूक करून करोडो रुपये कमावता येतात. जर तुम्ही म्युच्युअल फंडाच्या SIP मध्ये रोज फक्त 50 रुपये गुंतवायला सुरुवात केली तर निवृत्तीच्या वयापर्यंत तुम्हाला करोडो रुपये मिळतील. जर तुम्ही दहावी किंवा बारावीत असाल आणि काही पैसे कमावत असाल तर तुमच्यासाठी करोडो रुपये जमा करण्याची चांगली संधी आहे
दहावीनंतर गुंतवणूकीला सुरवात केल्यास किती रक्कम जमा होऊ शकते?
जर तुम्ही विद्यार्थी आहात आणि इयत्ता दहावीपासून गुंतवणूक करू इच्छित असाल, तर तुम्ही दररोज 50 रुपये वाचवू शकता. दररोज 50 रुपये म्हणजे दरमहा 1500 रुपये दरमहा तुमच्या खात्यात जमा होतील. ही रक्कम दरमहा म्युच्युअल फंडांसाठी चांगली असू शकते.
45 वर्षे किंवा निवृत्तीचे वय 60 वर्षे पूर्ण होईपर्यंत प्रत्येक महिन्याला 1500 गुंतवल्यास, एखादी व्यक्ती 12% च्या वार्षिक परताव्यासह 3.32 कोटी रुपयांची मोठी रक्कम जमा करू शकते. जर हा परतावा 10 टक्के राहिला तर वयाच्या 60 व्या वर्षी तुमची ठेव रक्कम 1.5 कोटी रुपये होईल.
बारावीनंतर गुंतवणुकीला सुरवात केल्यास किती रक्कम जमा होऊ शकते?
जर तुम्ही 12 वी नंतर एसआयपीद्वारे गुंतवणूक करण्यास सुरुवात केली. जर तुमचे वय 17 ते 19 वर्षांच्या दरम्यान असेल आणि प्रत्येक महिन्याची गुंतवणूक 1500 रुपये असेल, तर 40 वर्षे वयापर्यंत तुम्हाला 12% रिटर्नवर 1.78 कोटी रुपये मिळू शकतात. त्याचबरोबर 10 टक्के वार्षिक रिटर्नवर, 60 वर्षे वयापर्यंत 95 लाख रुपये गोळा केले जाऊ शकतात. जर तुम्हाला जोखीम न घेता गुंतवणूक करायची असेल तर तुम्ही PPF NSCसारख्या सरकारी योजनांमध्ये गुंतवणूक करू शकता.
(डिसक्लेमर : एनपीएस/शेअर बाजार/म्युच्युअल फंड SIPमध्ये गुंतवणूक करण्यापूर्वी सेबी अधिकृत आर्थिक सल्लागारांचा सल्ला घ्यावा. या बातमीद्वारे वाचकांना फक्त माहिती दिली जात आहे. 'महामनी' शेअर्स आणि म्युच्युअल फंड खरेदी-विक्रीचा सल्ला देत नाही.)
Source : www.abplive.com
