सोन्याची गुंतवणूक विविध प्रकारे केली जाऊ शकते. त्यासाठी केवळ दागिनेच (Jewelry) हवे, असं काही नाही. दागिन्यांसह नाणी (Coins), बार (Bars), गोल्ड एक्स्चेंज-ट्रेडेड फंड (Gold exchange-traded funds), गोल्ड फंड (Gold funds), सार्वभौम सुवर्ण रोखे योजना (Sovereign gold bond scheme) अशा विविध प्रकारांमध्ये सोन्याची गुंतवणूक केली जाऊ शकते. बाजारात चढ-उतार सुरूच असतात. सोन्याच्या किंमतीतदेखील चढ-उतार पाहायला मिळतात. मात्र सोन्याच्या दरातली घसरण शक्यतो जास्त काळ टिकत नाही. त्यामुळे सोन्यात गुंतवणूक करायचं तुम्ही ठरवलं असेल तर सर्व बाजूंनी विचार करून नंतरच काळजीपूर्वक निर्णय घ्यायला हवा.
सोन्यातल्या गुंतवणुकीच्या योजना, सोनं खरेदी करण्याचे तसंच गुंतवण्याचे विविध पर्याय, सोन्यातली ऑनलाइन गुंतवणूक या आणि असे अनेक प्रश्न तुमच्या मनात असतील. या सर्व प्रश्नांची उत्तरं जाणून घेणार आहोत.
Table of contents [Show]
सोन्यातली सर्वोत्तम गुंतवणूक योजना
सोन्यात पैसे कसे गुंतवायचे हा प्रश्न तुमच्या मनात असेल. काही लोक पारंपरिक आणि आधुनिक प्रकारच्या सोन्याच्या गुंतवणुकीला प्राधान्य देतात. पारंपरिक स्वरूपातली गुंतवणूक म्हणजे दागिने, नाणी, अब्जावधी किंवा कलाकृतींच्या स्वरूपात भौतिक सोनं लोक खरेदी करत होते. आताची परिस्थिती मात्र बदललीय. गुंतवणूकदारांकडे गोल्ड ईटीएफ आणि गोल्ड फंड असे गुंतवणुकीचे विविध पर्याय उपलब्ध आहेत.
गोल्ड ईटीएफ (एक्सचेंज्ड ट्रेडेड फंड) हे प्रत्यक्ष सोनं खरेदी करण्यासारखंच आहे. मात्र सोनं खरेदी नाही. म्हणजेच तुम्ही प्रत्यक्ष सोनं खरेदी करत नाहीत. तुम्हाला प्रत्यक्ष सोनं जपून ठेवण्याचा त्रास करून घेण्याची गरज नाही. तर खरेदी केलेलं सोनं डीमॅट (पेपर) स्वरूपात साठवलं जातं. गोल्ड फंड सोन्याच्या खाण कंपन्यांमध्ये गुंतवणुकीचे व्यवहार करतात. मूलभूत सोन्याच्या गुंतवणूक पद्धतींमधील फरक जाणून घेऊ...
- भौतिक सोनं
- गोल्ड ईटीएफ (एक्सचेंज्ड ट्रेडेड फंड)
- गोल्ड म्युच्युअल फंड्स
- सोव्हरेन (सार्वभौम) गोल्ड बॉन्ड्स
- डिजिटल गोल्ड
सार्वभौम (Sovereign) सुवर्ण रोखे म्हणजे काय?
डिजिटल सोनं खरेदी करण्याचा सर्वात सुरक्षित मार्ग म्हणजे सार्वभौम सुवर्ण रोखे होय. कारण हे केंद्र सरकारच्या वतीनं 2.50 टक्के दरवर्षी खात्रीशीर व्याजासह भारतीय रिझर्व्ह बँकेच्या मार्फत जारी केले जात असतात. हे बॉण्ड्स 1 ग्रॅमच्या मूळ युनिटसह सोन्याच्या ग्रॅमच्या युनिट्समध्ये डिनोमिनेटेड आहेत. 4 किलो इतकी जास्तीत जास्त गुंतवणूक आहे. पाचव्या वर्षापासून एक्झिट पर्यायासह आठ वर्षांचा या बाँड्सचा कालावधी असतो. सोन्यातली गुंतवणूक त्रासमुक्त करण्याचा हा एक सोपा मार्ग आहे. कारण तुमच्याकडे कोणताही भौतिक ताबा नाही मात्र सोन्याची मालकी मात्र तुमची...
गोल्ड फंड
सोन्यातल्या गुंतवणुकीचा विचार सुरू असेल तर बाजारात विविध परिस्थितीवर आधारित काही बँका तुम्हाला विविध फंड्स उपलब्ध करून देतात. यातलेच काही महत्त्वाचे फंड पाहू...
- अॅक्सिस गोल्ड फंड
- आदित्य बिर्ला सन लाइफ गोल्ड फंड
- कॅनरा रोबेको गोल्ड सेव्हिंग फंड
- एचडीएफसी गोल्ड फंड
- आयसीआयसीआय प्रू रेग्यूलर गोल्ड सेव्हिंग फंड
कोणत्या कागदपत्रांची आवश्यकता?
- फिजिकल गोल्ड डिमांडनुसार 2 लाखांहून अधिकच्या गुंतवणुकीसाठी पॅन कार्ड लागणार आहे. आधार, पॅन, मतदार ओळखपत्र किंवा पासपोर्ट अशी कागदपत्रे लागतील.
- ईटीएफसाठी तुम्हाला ब्रोकरेज फर्ममध्ये खातं उघडावं लागणार आहे. त्यानंतर त्याच फर्ममध्ये डीमॅट खातंही उघडावं लागणार आहे.
- एसजीबीजमध्ये (Sovereign Gold Bonds) गुंतवणुकीसाठी केवायसी आवश्यक आहे.
सोन्यातली गुंतवणूकच का?
पारंपरिक गुंतवणूकदारासाठी सुरक्षितता, तरलता आणि फायदेशीर परतावा हेच सर्वात मजबूत निकष आहेत. या निकषांची पूर्तता सोन्यात होण्याची सर्वाधिक शक्यता आहे. काही गुंतवणूकदारांच्या मते सोन्यातला परतावा अत्यंत अस्थिर आहे. मात्र काही गुंतवणूकदार सोन्यावर विश्वास ठेवतात. अनिश्चिततेच्या काळात सोनं हा सुरक्षित मार्ग आहे. महागाईचा दर कितीही असो, सोन्याच्या गुंतवणुकीवर हमखास परतावा मिळतोच. त्यामुळे महागाईतही तरणारी अशी ही गुंतवणूक आहे. तरलता हा सोन्याच्या गुंतवणुकीसाठी आवश्यक असलेला आणखी एक प्रमुख घटक आहे. थोडक्यात काय, तर सोन्यातल्या गुंतवणुकीत तोट्यांपेक्षा फायदे अधिक आहेत. हितसंबंध आणि लाभांशाच्या रुपात नियमित उत्पन्न देणं हे यातल्या गुंतवणुकीचं वैशिष्ट्य आहे.
