Bajaj Platina 110 ABS: बजाज ऑटोकडून नेहमी कमी किमतीत असलेल्या बाइक लाँच केल्या जातात. आता बजाज प्लॅटिना 110 ABS ही बाइक लाँच केली आहे. एबीएस सिस्टम मिळाल्यानंतर, बजाज प्लॅटिना 110 ही त्याच्या सेगमेंटमधील एकमेव बाइक आहे ज्यामध्ये एबीएस सिस्टम देण्यात आली आहे. बजाज ऑटोने प्लॅटिना 110 च्या पुढील चाकावर डिस्क ब्रेक आणि मागील चाकावर ड्रम ब्रेक बसवले आहेत. या ब्रेकिंग सिस्टीममध्ये सिंगल चॅनल अँटी लॉक ब्रेकिंग सिस्टीम (ABS) जोडण्यात आली आहे. याबाबत अधिक माहिती माहित करून घेऊया.
बजाज प्लॅटिना 110 ABS ची किंमत आणि इंजिन (Bajaj Platina 110 ABS Price and Engine)
बजाज ऑटोने 72,224 रुपयांच्या सुरुवातीच्या किंमतीसह Platina 110 ABS बाजारात आणले आहे. बजाज प्लॅटिना 110 ABS मध्ये कंपनीने सिंगल सिलेंडर 115.45 सीसी इंजिन दिले आहे जे एअर-कूल्ड तंत्रज्ञानावर आधारित आहे. हे इंजिन ८.४४ पीएस पॉवर आणि ९.८१ एनएम पीक टॉर्क जनरेट करते. या इंजिनसोबत 5 स्पीड गिअरबॉक्स देण्यात आला आहे. या बाईकमध्ये 17 इंची अलॉय व्हील आणि ट्यूबलेस टायर लावण्यात आले आहेत.
बजाज प्लॅटिना 110 ABS डिझाइन आणि वैशिष्ट्ये (Bajaj Platina 110 ABS Design and Features)
बजाज प्लॅटिना 110 ABS ला अँटी-लॉक ब्रेकिंग सिस्टम आणि 11-लिटर इंधन टाकी, एलईडी डेटाइम रनिंग लाइट्स आणि रिअर-व्ह्यू मिररसह इतर अनेक अपडेट मिळतात. बाईकमधील अपडेट हाय-टेक फीचर्सबद्दल सांगायचे तर, सेमी डिजिटल इन्स्ट्रुमेंट कन्सोल, डिजिटल स्पीडोमीटर, गियर मार्गदर्शन फीचर, गियर पोझिशन इंडिकेटर, अँटी लॉक ब्रेकिंग (एबीएस) इंडिकेटर यांसारखी वैशिष्ट्ये यात देण्यात आली आहेत.
बजाज प्लॅटिना 110 ABS कलर आणि मायलेज (Bajaj Platina 110 ABS Color and Mileage)
बजाज ऑटोने या बाईकमध्ये नवीन फीचर्स आणि नवीन अपडेट्ससह चार नवीन कलर पर्यायही दिले आहेत, ज्यामध्ये पहिला रंग इबोनी ब्लॅक, दुसरा रंग ग्लॉस प्युटर ग्रे, तिसरा रंग कॉकटेल वाईन रेड आणि चौथा रंग निळा सॅफायर आहे. बजाज प्लॅटिना 110 ABS च्या मायलेजबद्दल, बजाज ऑटोचा दावा आहे की ही बाईक एक लिटर पेट्रोलवर 80 किलोमीटर प्रति लिटर मायलेज देते. नवीन अपडेट इंजिननंतर या बाईकचे मायलेज वाढण्याची शक्यता आहे.
