आधार कार्डच्या वापरावर सर्वसामान्यांनी विश्वास व्यक्त केला आहे. लोकांच्या आधार आधारित ई-केवायसी व्यवहारात वाढ झाली आहे. युनिक आयडेंटिफिकेशन ऑथॉरिटी ऑफ इंडिया (UIDAI – Unique Identification Authority of India) ने माहिती दिली आहे की आधार आधारित ई-केवायसी व्यवहार मासिक आधारावर 22 टक्क्यांनी वाढून नोव्हेंबर 2022 मध्ये 28.75 कोटींवर पोहोचला आहे. UIDAI ने अधिकृत निवेदनात म्हटले आहे की एकूण ई-केवायसी व्यवहारांची संख्या 1,350 कोटी पार केली आहे.
Table of contents [Show]
जाणून घ्या किती झाले व्यवहार
आधार सत्यापित व्यवहार या वर्षी नोव्हेंबर महिन्यात 11 टक्क्यांनी वाढले आणि 195.39 कोटी झाले. UIDI म्हणते, “देशभरातील रहिवाशांकडून आधार वापरण्यात सातत्याने प्रगती होत आहे. केवळ नोव्हेंबरमध्ये आधार वापरून 28.75 कोटी ई-केवायसी व्यवहार झाले आहेत. हे मागील महिन्याच्या तुलनेत 22 टक्के अधिक आहे. नोव्हेंबर 2022 अखेरीस, एकूण ई-केवायसी व्यवहारांची संख्या 1,350.24 कोटी झाली आहे.
1100 सरकारी योजनांमध्ये वापर
देशातील केंद्र आणि राज्यांद्वारे चालवल्या जाणार्‍या 1,100 हून अधिक सरकारी योजना, कार्यक्रमांना आधार (Aadhaar based e-KYC Transactions) वापरण्यासाठी अधिसूचित केले गेले आहे. डिजिटल आयडी केंद्र आणि राज्यांमधील विविध मंत्रालये आणि विभागांना कार्यक्षमता, पारदर्शकता आणि लक्ष्यित लाभार्थींना कल्याणकारी सेवा प्रदान करण्यात मदत करत आहे. आधार-सक्षम पेमेंट सिस्टम (AEPS) व्यवहार नोव्हेंबर अखेरपर्यंत एकत्रितपणे 1,591.92 कोटींवर पोहोचले आहेत.
बँकेत वापर
देशातील बँकिंग क्षेत्रात आधार ई-केवायसीचा वापर मोठ्या प्रमाणावर केला जात आहे. यामुळे बँकिंग प्रक्रिया पारदर्शक होण्यास मोठी मदत होत आहे. आधार ई-केवायसी करवून घेण्यासाठी एक वेगळी प्रक्रिया असेल, ज्यामध्ये आधार धारकाला प्रत्यक्ष जाऊन पडताळणी करावी लागेल.
याची काळजी घ्या
UIDAI ने एका निवेदनात म्हटले आहे की आधार सार्वजनिकरित्या शेअर करू नये. ते अजिबात शेअर करू नका, विशेषतः सोशल मीडियावर. UIDAI ने आधार वापरकर्त्यांना सांगितले की त्यांनी त्यांचा आधार ओटीपी (वन-टाइम पासवर्ड) कोणाशीही शेअर करू नये, तसेच त्यांचा एम-आधार पिन कोणाशीही शेअर करू नये. UIDAI ने लोकांना सांगितले की ते त्यांच्या आवडीनुसार आधारशी संबंधित सर्व सेवा घेऊ शकतात. पण ते बँक खाते, पॅन किंवा पासपोर्टसारखे संरक्षित असले पाहिजे.
