Business Idea : प्रत्येकजण आयुष्यात कधीतरी स्वतःचा व्यवसाय सुरू करण्याचा विचार करतो. पण, त्यात येणारी सर्वात मोठी अडचण म्हणजे पैसा. अनेकदा व्यवसाय उभरणीचा विचार हा पैशाच्या अभावामुळे मागे राहतो. कमीत कमी गुंतवणूक करून काही व्यवसाय सुरू करता येऊ शकतात. जाणून घेऊया कमीत कमी गुंतवणूक करून कोणते व्यवसाय स्थापन होऊ शकतात आणि चांगला नफा मिळू शकतो?
Table of contents [Show]
रिअल इस्टेट ब्रोकरेज
रिअल इस्टेटचा व्यवसाय देशभरात झपाट्याने पसरला आहे. लोकांच्या घरांच्या गरजा वाढत आहेत आणि त्याबरोबरच जमीन आणि घरांची खरेदी-विक्री वाढत आहे. साधारणपणे, कोणत्याही व्यक्तीकडे योग्य करार चेक करण्यासाठी पुरेसा वेळ किंवा ज्ञान नसते. अशा परिस्थितीत ते व्यावसायिकांची मदत घेतात. या व्यवसायात काम करणाऱ्या लोकांनी भरपूर संपत्ती निर्माण केली आहे. यात गुंतवणूक करण्यासाठी पैसे लागत नाही. नफा भरपूर मिळवू शकता.
पोस्ट ऑफिस फ्रँचायझी
तुम्ही फक्त 10,000 रुपये खर्च करून पोस्ट ऑफिस फ्रँचायझी घेऊ शकता आणि घरबसल्या कमाई करू शकता. यात लागणारी रक्कम ही सर्वसाधारण आहे. पोस्ट विभागांतर्गत दिलेल्या फ्रँचायझीमध्ये, फक्त काउंटर सेवा पुरविल्या जातील, तर वितरण आणि प्रसारणाची जबाबदारी पोस्ट विभागाकडे राहील. महिन्याला सर्वसाधारण नफा तुम्हाला सहज मिळू शकतो.
ब्लॉगिंग
काळानुसार नवीन तंत्रज्ञान येत आहे आणि त्यासोबत कामाच्या आणि कमाईच्या पद्धती बदलत आहेत. ब्लॉगिंग हा देखील असाच एक व्यवसाय आहे. इंटरनेटवर तुम्हाला अशी अनेक पोर्टल्स आणि साइट्स सापडतील, जिथे तुम्ही ब्लॉगिंग करू शकता. तुमच्या ब्लॉगमध्ये नवीन आणि योग्य माहिती असेल तर नक्कीच चालेल. यातूनही तुम्हाला महिन्याला चांगला नफा मिळू शकतो.
विमा एजन्सी
सध्या भारतात कोट्यवधी लोक विमा एजंट म्हणून काम करत आहेत आणि याद्वारे त्यांचे घर चालवत आहेत. या वर एल.आय.सी. सुमारे 14 लाख एजंट सध्या सरकारी विमा कंपनी एलआयसीशी संबंधित आहेत. अशीच एक व्यक्ती म्हणजे भारत पारेख, ज्यांचे या व्यवसायातून वार्षिक उत्पन्न 4 कोटी रुपये आहे आणि आज त्यांची गणना करोडपतींमध्ये केली जाते.
व्लॉगिंग
हा देखील ब्लॉगिंगचा बदललेला प्रकार आहे. त्यात फक्त मजकूर लिहिलेला नाही, तर तो व्हिडिओच्या स्वरूपात आहे. स्वस्त इंटरनेटमुळे त्याला मोठी चालना मिळाली आहे. त्यामुळे यूट्यूबपासून इन्स्टापर्यंत व्लॉगिंगचा नवा ट्रेंड आलेला आहे. यातूनही अनेक लोकं कमाई करत आहे. तुम्हालाही यातून चांगला नफा मिळू शकतो.
मॅरेज ब्युरो
विवाह ही एक अशी गोष्ट आहे, ज्यावर मंदी किंवा इतर कोणत्याही परिस्थितीचा विशेष प्रभाव पडत नाही. भारतात सर्वात महागडी लग्न होतात. सर्वात मोठी समस्या म्हणजे योग्य नातेसंबंध शोधणे. अनेक डिजिटल प्लॅटफॉर्म या दिशेने सक्रिय आहेत, परंतु लोकांना या बाबतीत ऑफलाइन जाणे आवडते. जर तुमच्याकडेही विस्तृत सामाजिक वर्तुळ असेल तर हे काम तुमच्यासाठी आहे. समाजातील अनेकांची विवाह गाठ बांधून तुम्ही शुभ कार्य आणि कमाई दोन्ही सोबत करू शकता.
Source : www.abplive.com
