भाडे करारामध्ये (Property lease Agreement) दोन पक्ष आहेत. यामध्ये, पहिला पक्ष हा मालमत्तेचा मालक/जमीन मालक आहे, जो आपली मालमत्ता भाड्याने देत आहे. आणि दुसरा पक्ष हा भाडेकरू आहे जो कराराच्या समाप्तीपर्यंत भाड्याने घेतलेल्या मालमत्तेवर/राहत असलेली व्यक्ती आहे. भाडे कराराला रेंट डीड आणि लीज डीड असेही म्हणतात. त्यामध्ये निवासी मालमत्ता, मालमत्तेचा मालक, भाडेकरू, भाडे कालावधी आणि रक्कम यांचा मूलभूत तपशील असतो. भाडे करार सामान्यतः लिखित स्वरूपात असतो. हा स्टँप पेपरवर तयार केला जातो. भाडे करार करणे आवश्यक आहे कारण यामुळे घरमालक आणि भाडेकरू यांच्यातील वाद टाळण्यास मदत होते. हे घरमालकाच्या मालमत्तेची सुरक्षितता देखील देते. भारतात 2 प्रकारचे भाडे करार आहेत. एक भाडेपट्टी करार आहे जो किमान 12 महिन्यांसाठी असतो. हे राज्य सरकारने बनवलेल्या भाडे नियंत्रण कायद्यांतर्गत नियंत्रित केले जाते. आणि दुसरा 11 महिन्यांपर्यंतचा भाडेपट्टी आणि परवाना करार आहे जो भाडे नियंत्रण कायद्यांतर्गत येत नाही.
भाडे करारात काय होते?
भाडे करारामध्ये (Property lease Agreement) घरमालक आणि भाडेकरू आणि त्यांचे एजंट यांची नावे असतात. त्यात मालमत्तेचा तपशीलही असतो. भाडे करारामध्ये भाड्याची रक्कम आणि देय तारीख, वाढीव कालावधी आणि विलंब शुल्क समाविष्ट असते. सोबतच भाडे देण्याची पद्धतही त्यात नमूद केलेली असते. त्यात सुरक्षा ठेवीची रक्कमही (Security Deposit Ammount) नमूद केलेली असते. लँडलॉर्डने दिलेल्या युटिलिटीजचा तपशील आणि त्यासाठीचे शुल्कही त्यात लिहिलेले असते. भाडेकरूला आवारातील स्विमिंग पूल, सुरक्षा व्यवस्था इत्यादी सुविधा वापरण्याचा अधिकार आहे का? याचा उल्लेख असतो. यासोबतच पेट नियम, आवाज नियम आणि उल्लंघन केल्यास दंड असे नियमही भाडे करारात लिहिलेले असतात. पार्किंगसाठी वापरण्यात येणारी पार्किंगची जागा आणि दुरुस्तीच्या विनंत्या आणि आणीबाणीच्या विनंत्या हाताळण्याच्या प्रक्रियेचा तपशील देखील भाडे करारामध्ये नमूद केलेला असतो.
भाडे करारामध्ये समाविष्ट असलेल्या अटी
- कालावधी - एक कालावधी ज्याच्यासाठी अँग्रीमेंट बनेल याला करार म्हणतात. हे 11 ते 12 महिन्यांपर्यंत असते.
- भाडे - भाड्याने दिलेल्या मालमत्तेच्या बदल्यात, भाडेकरू घरमालकाला मासिक देयके देतो. याला भाडे म्हणतात.
- ठेव (डिपॉझिट) - प्रत्येक भाडे कालावधी संपेपर्यंत ठेवीची आवश्यक रक्कम राहते. त्याचा कालावधी संपल्यानंतर, लँडलॉर्ड ते भाडेकरूला परत करतो.
- वापरण्याच्या अटी - मालमत्तेच्या वापराबाबतच्या अटी व शर्तींचा तपशील भाडे करारात नमूद केलेला असतो.
- उपयुक्तता (यूटिलिटी) - आवारात किती युटिलिटीज आहेत आणि भाडेकरू भाडेतत्वाखाली किती प्रकारच्या युटिलिटीज वापरू शकतो. त्याचे तपशील नमूद केलेले असतात.
