6000mAh बॅटरीसह Samsung चा नवा 5G फोन लाँच; कॅमेर, फीचर्स आणि किमतीविषयी जाणून घ्या

Samsung Galaxy M14 5G मध्ये जलद चार्जिंगसाठी सपोर्ट असलेली 6000mAh बॅटरी आहे. फोनमध्ये 128 GB पर्यंत अंतर्गत स्टोरेज आणि Android 13 सपोर्ट देण्यात आला आहे. स्मार्टफोन ब्रँड Samsung ने आपला नवीन 5G फोन Samsung Galaxy M14 5G लॉन्च केला आहे. हा फोन 6.6 इंच PLS LCD डिस्प्ले आणि Exynos 1330 चिपसेटसह सादर करण्यात आला आहे. 6000mAh बॅटरीसह फोनमध्ये फास्ट चार्जिंग सपोर्ट उपलब्ध आहे. फोनमध्ये 128 GB पर्यंत अंतर्गत स्टोरेज आणि Android 13 सपोर्ट देण्यात आला आहे. चला जाणून घेऊया फोनची किंमत आणि फीचर्स काय आहेत ते!

Samsung Galaxy M14 5G ची किंमत

Samsung Galaxy M14 5G सध्या युक्रेनमध्ये लॉन्च झाला आहे. हा फोन लवकरच भारतात लॉन्च होऊ शकतो. फोन दोन स्टोरेज प्रकारांमध्ये येतो, 4GB RAM सह 64GB स्टोरेजची किंमत UAH 8,299 (अंदाजे  18 हजार 300 रुपये) आणि 4GB RAM सह 128GB स्टोरेजची किंमत UAH 8999 (अंदाजे  20 हजार रुपये) आहे. मात्र, सॅमसंगने हा फोन भारतात आणि इतर देशांमध्ये लॉन्च करण्याची घोषणा अद्याप केलेली नाही. मात्र हा फोन लवकरच भारतात लॉन्च होऊ शकतो, असे सांगितले जात आहे. 

Samsung Galaxy M14 5G चे स्पेसिफिकेशन

Samsung Galaxy M14 5G ला 6.6-इंचाचा फुल एचडी प्लस PLS LCD डिस्प्ले मिळतो, जो (2408X1080 पिक्सेल) रिझोल्यूशनसह येतो. ऑक्टा-कोर Exynos 1330 प्रोसेसर आणि 4 GB RAM सह फोन 128 GB पर्यंत स्टोरेज मिळवतो. फोनमध्ये Android 13 आधारित One UI उपलब्ध आहे.Galaxy M14 5G च्या कॅमेरा सेटअपबद्दल बोलायचे झाले तर फोनमध्ये ट्रिपल-रियर कॅमेरा सेटअप उपलब्ध आहे, ज्यामध्ये प्राइमरी कॅमेरा 50-मेगापिक्सल f/1.8 अपर्चरसह येतो. दुय्यम कॅमेरा 2-मेगापिक्सेल डेप्थ सेन्सर आहे आणि तिसरा सेन्सर 2-मेगापिक्सेल मॅक्रो कॅमेरा आहे. सेल्फीसाठी फोनमध्ये 13-मेगापिक्सलचा फ्रंट कॅमेरा आहे.

Samsung Galaxy M14 5G बॅटरी

स्मार्टफोनमध्ये 6000mAh बॅटरी आहे, जी टाइप-सी चार्जिंग पोर्ट आणि 25W फास्ट चार्जिंगला सपोर्ट करते. फोन बॉक्समध्ये चार्जरसह येत नाही. स्मार्टफोनच्या बाजूला फिंगरप्रिंट स्कॅनर देखील आहे.6000mAh बॅटरीसह Samsung चा नवा 5G फोन लाँच झाला आहे. कॅमेर, फीचर्स आणि किमतीविषयी जाणून घेतले आहे. युक्रेनमध्ये लॉन्च झालेला हा Samsung Galaxy M14 5G  फोन लवकरच भारतात लॉन्च होऊ शकतो. युक्रेनमधल्या किमतीचा विचार केला तर भारतात 18 ते 20 हजार रुपयापर्यंतचे बजेट असणाऱ्यांना हा एक पर्याय उपलब्ध होऊ शकतो, असे सध्या दिसत आहे.