रिअलमी ने काही महिन्यांपूर्वी इंडोनेशियामध्ये Realme 10 स्मार्टफोन लॉन्च केला होता. नुकतेच ब्रँडने Realme 10 भारतात 9 जानेवारी रोजी लॉन्च होईल, असे सांगितले आहे. रिअलमी 10 4G हा Realme 10 मालिकेतील सर्वात परवडणारा स्मार्टफोन आहे. Realme 10 लाँच होण्याआधी, आघाडीच्या ई-कॉमर्स वेबसाइट फ्लिपकार्टवर एक मायक्रो-साइट अपलोड करण्यात आली आहे. हा स्मार्टफोन MediaTek Helio G99 प्रोसेसरने सुसज्ज असेल. आगामी रिअलमी फोनच्या इतर वैशिष्ट्यांचा देखील फ्लिपकार्ट सूचीमध्ये उल्लेख करण्यात आला आहे. चला रिअलमी10 4G च्या वैशिष्ट्यांवर एक नजर टाकूया.
Realme 10 4G चा तपशील
- डिस्प्ले - स्मार्टफोनमध्ये 90Hz रिफ्रेश रेटसह 6.4-इंचाचा FHD+ सुपर AMOLED डिस्प्ले असू शकतो. फोनच्या डिस्प्ले संरक्षणासाठी कॉर्निंग गोरिल्ला ग्लास 5 च्या लेयरसह येऊ शकतो.
- प्रोसेसर - आगामी हँडसेट MediaTek Helio G99 प्रोसेसरसह सुसज्ज असेल जो 8GB + 8GB डायनॅमिक रॅमसह जोडला जाईल.
- कॅमेरा सेटअप - आगामी स्मार्टफोनमध्ये फोटो आणि व्हिडिओग्राफीसाठी ड्युअल कॅमेरा सेटअप येईल. यात 50-मेगापिक्सलचा प्राथमिक कॅमेरा आणि 2-मेगापिक्सेलचा B&W कॅमेरा असू शकतो. सेल्फी आणि व्हिडिओ कॉलसाठी समोर 16-मेगापिक्सेल कॅमेरा असण्याची शक्यता आहे.
- बॅटरी - Realme 10 मध्ये 5000mAh बॅटरी असेल. हे 33W VOOC फास्ट चार्जिंग सपोर्टसह येईल, यात USB Type-C चार्जिंग असेल.
- डिझाईन आणि वजन - रिअलमी 10 ची रचना लाईट पार्टिकल डिझाइनसाठी केली गेली आहे आणि त्याचे वजन 178 ग्रॅम असू शकते.
रिअलमी 10 चा कॅमेरा
रिअलमी 10 ड्युअल-रियर कॅमेरा सेटअपसह सुसज्ज आहे ज्यामध्ये 50MP प्राथमिक कॅमेरा आणि 2MP चा B&W सेन्सर समाविष्ट आहे. सेल्फी आणि व्हिडिओ कॉलसाठी, यात 16MP फ्रंट सेल्फी कॅमेरा आहे. फोन साइड-माउंटेड फिंगरप्रिंट स्कॅनरसह येतो. हे Android 12 वर आधारित Realme UI 3.0 ला बूट करते. रिअलमी 10 मध्ये 5000mAh बॅटरी युनिट आणि 33W फास्ट चार्जिंग सपोर्ट आहे. यात चार्जिंग आणि डेटा ट्रान्सफरसाठी टाइप-सी पोर्ट आहे. डिव्हाइसमध्ये हाय-रेस ऑडिओ सपोर्टसह 3.5 मिमी ऑडिओ पोर्ट देखील आहे.
कंपनीने ‘या’ फोन्सचे अपडेट्स प्रस्तुत केले
दरम्यान, रिअलमीने आपल्या दोन स्मार्टफोन्ससाठी Android 13 ऑपरेटिंग सिस्टमवर आधारित Realme UI 4.0 सुरू केले होते. कंपनीने ट्विटर पोस्टद्वारे घोषित केल्यानुसार अपडेट Realme GT Neo 3T आणि Realme Narzo 50 Pro साठी उपलब्ध आहे. अपडेट Realme GT Neo 3T साठी RMX3371_11.A.09 आणि Realme Narzo 50 Pro साठी RMX3395_11.C.04 फर्मवेअर आवृत्ती आणते.
