पीव्हीआर (PVR) सिनेमाजने (Cinema) विमानतळ परिसरात देशातील पहिले मल्टिप्लेक्स सुरू करण्याची घोषणा केली आहे. कंपनीने एका निवेदनात म्हटले आहे की, प्रवाशांना मनोरंजन देण्यासोबतच आसपासच्या भागातील रहिवाशांसाठी ते उपलब्ध असेल. सिनेमाची 1,155 प्रेक्षक बसण्याची क्षमता आहे आणि 2K RGB+ लेसर प्रोजेक्टर, क्रिस्टल क्लिअर, रेझर-शार्प, अल्ट्रा-ब्राइट चित्रांसाठी RealD 3D डिजिटल स्टिरिओस्कोपिक प्रोजेक्शन आणि प्रगत डॉल्बी अॅटमोसह अत्याधुनिक सिनेमॅटिक तंत्रज्ञानाने सुसज्ज आहे.
चेन्नईमध्ये 12 मालमत्ता आणि 77 स्क्रीन
या लॉन्चसह, पीव्हीआर (PVR) सिनेमाकडे चेन्नईमध्ये 12 मालमत्ता आणि 77 स्क्रीन असतील, तर PVR कडे तामिळनाडूमधील 14 मालमत्तांमध्ये 88 स्क्रीन असतील. दक्षिण भारतात, 53 मालमत्तांमध्ये त्याच्या स्क्रीनची संख्या 328 पर्यंत वाढेल. लॉन्च प्रसंगी बोलताना, अजय बिजली, (अध्यक्ष आणि व्यवस्थापकीय संचालक, पीव्हीआर लिमिटेड) म्हणाले की, “आम्हाला तामिळनाडूमध्ये आमची 14 वी मालमत्ता उघडण्याची घोषणा करताना अत्यंत आनंद होत आहे. काळाच्या आणि सतत बदलणाऱ्या मनोरंजनाच्या लँडस्केपच्या अनुषंगाने आम्ही देशाच्या प्रत्येक भागातील प्रेक्षकांसाठी एक तल्लीन करणारा सिनेमा अनुभव देण्यासाठी वचनबद्ध आहोत."
पीव्हीआर शेअरमध्ये तेजी
पीव्हीआरच्या शेअरमध्ये आज मोठी तेजी पाहायला मिळाली. आज एनएसई (NSE – National Stock Exchange) वर सकाळी 10:15 वाजता, PVR चा शेअर सुमारे 1.47% च्या वाढीसह 1,682.30 रुपयांवर व्यवहार करत होता.
