E-passbook : प्रत्येक जण बचतीचे वेगवेगळे मार्ग अवलंबतात. पोस्ट ऑफिसचाही या पद्धतींमध्ये समावेश आहे. पोस्ट ऑफिस अनेक प्रकारच्या योजना चालवते, ज्याच्या मदतीने लोक इन्वेस्टमेंट करू शकतात. यामध्ये पोस्ट ऑफिस बचत बँक योजना (Post Office Saving Account) समाविष्ट आहे. यामध्ये लोक आपली बचत सुरक्षित ठेवू शकतात. त्याच वेळी, आता लोक त्यांच्या अकाऊंटचे डिटेल्स देखील ऑनलाईन चेक करू शकतात आणि त्यांच्या खात्याच्या स्टेटमेंटची माहिती देखील ऑनलाईन मिळवू शकतात.
ई-पासबुकचे फायदे Benefits of E-Passbook
भारत सरकारने पोस्ट ऑफिस बचत बँक योजनेसाठी ई-पासबुक सुविधा सुरू केली आहे. ही सुविधा सुरू केल्यानंतर, पोस्ट ऑफिस बचत खातेधारक त्यांच्या पोस्ट ऑफिस बचत बँक खात्याच्या पासबुकमध्ये ऑनलाइन प्रवेश करू शकतील. ई-पासबुक सुविधा सुरू केल्यामुळे, पोस्ट ऑफिस सेव्हिंग बँक योजना अधिक डिजीटल होण्याची अपेक्षा आहे. खातेदार आपल्या मतानुसार कोणत्याही कालावधीसाठी व्यवहारांचे स्टेटमेंट मिळवू शकतील. पूर्वीचे लोक फक्त मिनी स्टेटमेंटपुरते मर्यादित होते. आता पोस्ट ऑफिस बचत खातेधारक त्यांच्या खात्याचे तपशील स्वतः ऍक्सेस करण्यास सक्षम असतील आणि आता त्यांना त्यासाठी पोस्ट ऑफिसमध्ये जाण्याची आवश्यकता नाही. त्यामुळे, ही 'ई-पासबुक सुविधा' सुरू केल्यानंतर, पोस्ट ऑफिस बचत बँक खातेधारकांना केवळ मिनी स्टेटमेंटऐवजी त्यांच्या संपूर्ण बँक पासबुकमध्ये प्रवेश मिळेल.
पोस्ट ऑफिस बचत खात्याचे स्टेटमेंट असे चेक करा
- पोस्ट ऑफिस ॲपमध्ये लॉग इन करा,मोबाईल बँकिंग वर जा.
- तुमच्या खात्याची माहिती भरा.
- 'गो' बटणावर क्लिक करा.
- तुम्हाला पोस्ट ऑफिस अकाउंट डॅशबोर्डवर रिडायरेक्ट केले जाईल.
- येथे तुम्हाला बॅलन्स आणि स्टेटमेंट तपासण्याचा पर्याय मिळेल.
- स्टेटमेंट वर क्लिक करा.
- तुम्हाला मिनी स्टेटमेंट आणि अकाउंट स्टेटमेंटचा पर्याय मिळेल.
- स्टेटमेंट पर्यायावर क्लिक करा.
- ज्या कालावधीसाठी तुम्हाला तुमच्या पोस्ट ऑफिस खात्याचे पासबुक डिटेल्स बघायचे आहेत तो कालावधी निवडा.
- तुमचे बँक स्टेटमेंट तुमच्या समोर येईल.
