NPS नियम बदल: तुम्ही देखील नॅशनल पेन्शन सिस्टीमचा लाभ घेत आहात का... तुम्ही NPS मध्ये देखील पैसे गुंतवले आहेत का? जर होय, तर 1 एप्रिल 2023 पासून NPS च्या नियमांमध्ये मोठा बदल होणार आहे. पीएफआरडीएने याबाबत माहिती दिली आहे. PFRDA ने सांगितले आहे की नॅशनल पेन्शन सिस्टम स्कीममधून पैसे काढण्याच्या नियमांमध्ये बदल केले जाणार आहेत.
1 एप्रिलपासून नवे नियम लागू होणार
नवीन नियम 1 एप्रिलपासून लागू होणार आहेत., नवीन नियमांनुसार काही कागदपत्रे देणे आवश्यक असेल. जर कोणत्याही गुंतवणूकदाराने ही कागदपत्रे सादर केली नाहीत तर तो एनपीएसमधून ती व्यक्ती पैसे काढू शकणार नाहीये. त्यामुळे काटेकोरपणे सरकारी नियमांचे पालन करणे बंधनकारक असणार आहे. (Withdraw money from pension account )
अधिकाऱ्यांना जरी केल्या सूचना
पीएफआरडीएने जारी केलेल्या परिपत्रकानुसार केवायसी अपडेटसाठी (KYC Update) ग्राहकांना खालील कागदपत्रे देणे आवश्यक असेल. पीएफआरडीएने सर्व नोडल अधिकाऱ्यांना सूचना दिल्या आहेत की ग्राहकांची कागदपत्रे अनिवार्यपणे अपलोड केली जावीत आणि या कागदपत्रांची खात्री केली जावी. या कागदपत्रांमध्ये कोणत्याही प्रकारची चूक आढळल्यास एनपीएस ग्राहकांचे पैसे रोखले जाणार आहेत.
सरकारी परिपत्रकानुसार, खालील कागदपत्रे NPS ग्राहकाने सादर करावी लागतील:
- NPS एक्झिट/विथड्रॉवल फॉर्म (NPS Exit Form/NPS withdrawal form)
- आयडी आणि पत्ता पुरावा (ID and Address Proof)
- बँक खात्याचा पुरावा (Bank Account Details)
- PRAN कार्ड प्रत (PRAN Card Copy)
NPS मधून मॅच्युरिटी होण्यापूर्वी फक्त 3 वेळा आंशिक पैसे काढता येतात, तुम्ही मुलांच्या उच्च शिक्षणासाठी, त्यांच्या लग्नासाठी, घर बांधण्यासाठी किंवा खरेदी करण्यासाठी आणि गंभीर आजारांच्या उपचारांसाठी पैसे काढू शकता. NPS मधील गुंतवणूकदार संपूर्ण कार्यकाळात केवळ 3 वेळा आंशिक पैसे काढू शकतो.
NPS Update : अब इन 4 डॉक्‍यूमेंट के बिना नहीं निकलेगा पैसा, ऑनलाइन करने होंगे अपलोड#thesankshep #NationalPensionScheme #nps #updates #newrules #april #onwards #nomoney #transaction #share #informative #retirementsavings #online #Documents #uploads #MorningNews pic.twitter.com/rt5Hj1rSPi
— THEसंक्षेप (@thesankshep) February 26, 2023
खाते कोण उघडू शकते?
18 ते 60 वर्षे वयोगटातील लोक एनपीएसमध्ये गुंतवणूक करू शकतात. केंद्र सरकारने सुरू केलेली ही एक गुंतवणूक योजना आहे. यामध्ये गुंतवणूकदार इक्विटी आणि डेब्ट या दोन्हीमध्ये गुंतवणूक करू शकतात. याशिवाय तुम्ही त्यात 75 टक्के इक्विटी गुंतवणुकीचा पर्यायही निवडू शकता. त्याच वेळी, योजनेचा कालावधी पूर्ण झाल्यानंतर, तुम्ही एकूण ठेव रकमेच्या 60 टक्के रक्कम काढू शकता. त्याच वेळी, तुम्ही 40 टक्के रक्कम वार्षिकी म्हणून ठेवू शकता, जेणेकरून 60 वर्षांनंतर तुम्हाला पेन्शन मिळू शकेल.
नॅशनल पेन्शन स्कीम (NPS)
नॅशनल पेन्शन स्कीम (NPS) ही भारत सरकारने 2004 मध्ये सुरू केलेली सेवानिवृत्ती बचत योजना आहे. ही योजना पेन्शन फंड रेग्युलेटरी अँड डेव्हलपमेंट अथॉरिटी (PFRDA) द्वारे नियंत्रित आणि प्रशासित केली जाते आणि भारतीय नागरिकांना सेवानिवृत्तीचे फायदे प्रदान करण्याचा या योजनेचा उद्देश आहे.
NPS अंतर्गत, व्यक्ती त्यांच्या सेवानिवृत्ती बचत खात्यात त्यांच्या संपूर्ण कार्यकाळात नियमितपणे योगदान देऊ शकतात. परतावा व्युत्पन्न करण्यासाठी कर्मचाऱ्याचे पैसे सरकारद्वारे इक्विटी, डेब्ट आणि सरकारी रोख्यांसह विविध साधनांमध्ये गुंतवले जातात. NPS 18 ते 65 वर्षे वयोगटातील सर्व भारतीय नागरिकांसाठी उपलब्ध आहे. सार्वजनिक क्षेत्रातील बँका, खाजगी बँका आणि बिगर बँकिंग वित्तीय कंपन्यांचा समावेश असलेल्या कोणत्याही अधिकृत सेवा प्रदात्यांसोबत व्यक्ती NPS खाते उघडू शकतात.
NPS अंतर्गत दोन प्रकारची खाती आहेत (टियर 1 आणि टियर 2)
टियर 1 खाते हे प्राथमिक सेवानिवृत्ती बचत खाते आहे आणि 60 वर्षे वयापर्यंत लॉक-इन कालावधी आहे. काही विशिष्ट परिस्थितीत आंशिक पैसे काढण्याची परवानगी आहे, जसे की वैद्यकीय उपचार, परंतु अटींच्या अधीन आहेत.
टियर 2 खाते हे एक ऐच्छिक बचत खाते आहे जे व्यक्तींना कोणत्याही लॉक-इन कालावधीशिवाय कधीही पैसे काढण्याची परवानगी देते.
NPS व्यक्तींना कर लाभ देते (NPS Tax Benefits). टियर 1 खात्यात केलेले योगदान आयकर कायद्याच्या कलम 80C अंतर्गत, वर्षाला कमाल रु. 1.5 लाखपर्यंत कर कपातीसाठी पात्र आहेत. याव्यतिरिक्त, रु.50,000 पर्यंतचे योगदान कलम 80CCD (1B) अंतर्गत अतिरिक्त वार्षिक कर कपातीसाठी पात्र आहेत. टियर 1 खात्यातून पैसे काढणे प्रचलित कर कायद्यानुसार करपात्र आहे. NPS मध्ये PFRDA द्वारे नियुक्त केलेले अनेक फंड व्यवस्थापक (Fund Manager) आहेत, जे योजनेद्वारे केलेल्या गुंतवणुकीचे व्यवस्थापन करतात. व्यक्ती त्यांची जोखीम घेण्याची क्षमता आणि गुंतवणुकीच्या उद्दिष्टांवर आधारित त्यांचे स्वतःचे फंड व्यवस्थापक आणि गुंतवणूक पर्याय निवडू शकतात.म्हणजेच, राष्ट्रीय निवृत्तीवेतन योजना (NPS) ही भारतीय नागरिकांना सेवानिवृत्तीचे फायदे प्रदान करण्याच्या उद्देशाने सेवानिवृत्ती बचत योजना आहे.
