कोविड महामारीमुळे संपूर्ण जगासाठी महागाई एक आव्हान बनले आहे. मोठ्या अर्थव्यवस्था असलेल्या अनेक देशांमध्ये महागाई अनेक वर्षांच्या शिखरावर पोहोचली आहे. त्यामुळे जगभरातील मध्यवर्ती बँकांनी व्याजदरात सातत्याने वाढ केली, जेणेकरून महागाई मॉनेटरी आणि फिस्कल इन्सेन्टिव्ह नियंत्रित केली जाऊ शकते. अशा परिस्थितीत, जेव्हा बाजार अस्थिर असतो, तज्ज्ञ टार्गेटेड मॅच्युरिटी फंड (Target Maturity Funds) आणि फिक्स्ड इन्कम (Fixed Income) पर्यायांना प्राधान्य देत आहेत. टार्गेट मॅच्युरिटी फंड म्हणजे काय? गुंतवणूक का करावी? या प्रश्नांची आज उत्तरे मिळवूया.
Table of contents [Show]
टार्गेट मॅच्युरिटी फंड म्हणजे काय?
टार्गेट मॅच्युरिटी फंड हे डेब्ट म्युच्युअल फंड योजना असतात. जे इक्विटी इंडेक्स फंडासारखे असतात. टीएमएफच्या पोर्टफोलिओमध्ये अशा बॉण्ड्सचा समावेश असतो जे निर्दिष्ट मॅच्युरिटी डेब्टवाले अंडरलाईंग बाँड इंडेक्सचा भाग असतात. पोर्टफोलिओमधील बॉण्ड्स मॅच्युरिटीपर्यंत ठेवले जातात आणि होल्डिंग कालावधी दरम्यान दिलेले व्याज फंडात पुन्हा गुंतवले जाते.
गुंतवणूक का करावी?
सध्या टार्गेट मॅच्युरिटी फंडात गुंतवणूक का करावी? तर या फंडांची निश्चित परिपक्वता तारीख असते. असेट एलॉकेशन पूर्व-निर्धारित आहे आणि ते गव्हर्नमेंट सिक्युरिटीज, पीएसयू बाँड्स, कॉर्पोरेट बाँड्स आणि राज्य विकास कर्जांमध्ये गुंतवणूक करू शकतात. हे फंड एकतर एक्सचेंज ट्रेडेड फंड किंवा इंडेक्स फंड म्हणून डिझाइन केलेले असतात. रोल डाउन स्ट्रॅटेजीसह ते पॅसिव्हपणे व्यवस्थापित केले जातात, ज्यामध्ये बॉण्ड्स मॅच्युरिटी होईपर्यंत ठेवले जातात. परिणामी, प्रत्येक जाणाऱ्या वर्षासह जोखीम कमी होते. त्यामुळे या वर्गात अस्थिरता कमी असते.
आपत्कालीन परिस्थितीतही उपयोगी पडतो
जर तुम्ही 3 वर्षांपेक्षा जास्त काळ गुंतवणूक ठेवल्यास, गुंतवणूकदारांना दीर्घकालीन भांडवली नफ्यावर निर्देशांकाचा लाभ मिळतो. हे ओपन-एंडेड फंड आहेत, त्यामुळे गुंतवणूकदार कोणत्याही आपत्कालीन परिस्थितीत मुदतपूर्तीपूर्वी ते रिडीम करू शकतात. अशाप्रकारे, टार्गेटेड मॅच्युरिटी फंडांमध्ये अशी सर्व वैशिष्ट्ये आहेत जी त्यांना सध्याच्या वातावरणात एक आदर्श गुंतवणूक पर्याय बनवू शकतात.
फिक्स्ड इन्कम गुंतवणुकीत परतावा स्थिर असेल
तज्ज्ञांच्या मते बॉन्ड यील्ड आता स्थिर आहे. देशांतर्गत आणि आंतरराष्ट्रीय स्तरावर दर वाढीचे चक्र संपुष्टात येण्याची अपेक्षा लक्षात घेता, निश्चित उत्पन्न गुंतवणूक पर्यायांमधून मिळणारा परतावा देखील स्थिर होऊ शकतो. भारतात यील्ड कर्व फ्लॅट आहे आणि यूएसमध्ये उलट आहे. याचा अर्थ बाजाराला महागाई कमी होण्याची अपेक्षा आहे. मध्यवर्ती बँकांद्वारे दरांमध्ये आणखी कपात केली जाऊ शकते, तर फिस्क इन्कम गुंतवणूकदारांना फायदा होईल.
टार्गेट मॅच्युरिटी फंड चांगला पर्याय
गुंतवणूकदारांना प्रमुख सॉवरेन होल्डिंगसह 3-5 वर्षांच्या मॅच्युरिटी फंडांचा विचार करण्याचा सल्ला तज्ज्ञांकडून दिला जातो. कारण ते सध्या चांगले रिस्क-रिवॉर्ड देऊ शकतात. वाढीव यील्डचा लाभ घेण्यासाठी सध्या सुरक्षित आणि लिक्विड रुट शोधत असलेल्या गुंतवणूकदारांसाठी गव्हर्नमेंट सिक्युरिटीजला प्रमुख एलॉकेशनसह टार्गेट मॅच्युरिटी फंड हा एक चांगला पर्याय आहे.
डिसक्लेमर - या वेबसाईटवरील मजकुरात कोणताही आर्थिक किंवा व्यावसायिक सल्ला दिलेला नाही. मात्र लोकांना आर्थिक घडामोडींशी संबंधित शैक्षणिक मार्गदर्शन करण्याचा आम्ही प्रामाणिक प्रयत्न करत आहोत. आर्थिक किंवा व्यवसायिक विषयांशी संबंधित सल्ला हवा असल्यास आपण नोंदणीकृत वित्त सल्लागाराची मदत घ्यावी.
