Travelling after Retirement: निवृत्तीनंतर कमी खर्चात प्रवास करावा? जाणून घ्या

प्रवास करायला कोणाला आवडत नाही? नवीन शहरांना भेट देणे, तेथील संस्कृती, राहणीमान, खाणपान अशा गोष्टींचा अनुभव घ्यायला प्रत्येकालाच आवडते. मात्र, तरूण असताना नोकरीमुळे प्रवास करायला जमत नाही. अशावेळी, निवृत्तीनंतर प्रवास करण्याचा अनेकांचा विचार असतो. मात्र, प्रवासासाठी पैशांची गरज असते. त्यामुळे आधीपासूनच बचतीची सवय लावणे गरजेचे आहे. प्रवासासाठी बचत कशी करावी व निवृत्तीनंतर कमी खर्चात कशाप्रकारे प्रवास करणे शक्य आहे? याविषयी या लेखातून जाणून घेऊयात. 

प्रवासासाठी करा बचत

निवृत्तीनंतर प्रवास करण्याचा अनुभव अविस्मरणीय ठरू शकतो. मात्र, अशा प्रवासासाठी आधीपासूनच बचत करणे गरजेचे आहे. किती पैसे वाचवायला हवे, हे तुमच्या प्रवासानुसार ठरते. इतर देशातील प्रवासाच्या तुलनेत देशांतर्गत प्रवास करायला कमी खर्च येतो. 

सर्वातआधी तुम्हाला कोणत्या ठिकाणी प्रवास करायचा आहे व यासाठी किती खर्च येऊ शकतो, याबाबत माहिती घ्या. प्रवासाचे उद्दिष्ट ठरवून बचत केल्यास त्याचा निश्चितच फायदा होऊ शकतो. तुम्ही दरमहिन्याला पगारातील काही रक्कम प्रवासासाठी बाजूला काढून ठेऊ शकता. 
तुम्ही जर कोणतीही बचत केलेली नसल्यास निवृत्तीनंतर मिळणाऱ्या पेन्शनमधील काही रक्कमेचा वापरही प्रवासासाठी करू शकता. अनेकदा नियमित बचत करणे शक्य होत नाही. अशावेळी ऑटोमॅटिक सेव्हिंगचा पर्यायही निवडू शकता.

निवृत्तीनंतर कमी खर्चात कसा कराल प्रवास?