बँकेत पैसे जमा करण्यासाठी डिमॅट खाते आवश्यक आहे. बँक खात्याशिवाय तुम्ही बँकेत पैसे जमा करू शकत नाही. त्याचप्रमाणे शेअर मार्केटमध्ये गुंतवणूक (Investment in Share Market) करण्यासाठी तुम्हाला डिमॅट खाते आवश्यक आहे. डीमॅट खात्यात (Demat Account) तुम्ही खरेदी केलेले शेअर्स असतात. तुम्ही वापरत नसलेले डिमॅट खाते बंद करणेच योग्य ठरते. डिमॅट खाते बंद कसे करायचे? ते पाहूया.
Table of contents [Show]
डिमॅट खात्याचे काम
तुमचे शेअर्स ठेवण्यासाठी एका खात्याची आवश्यकता असते. त्यालाच डिमॅट खाते म्हणतात. जसे तुम्ही बॅंक खात्यातून पैसे काढता किंवा पैसे जमा करता तसेच डिमॅट खात्याचे असते. डिमॅट खाते किंवा डीमॅट खाते इलेक्ट्रॉनिक स्वरूपात शेअर्स किंवा सिक्युरिटीज ठेवण्याची परवानगी देते. ही खाती तुमचे शेअर्स सांभाळतात. तुमच्या शेअर्सचा सर्व लेखाजोखा तुम्हाला या डिमॅट खात्यात मिळतो.
डिमॅट खाते बंद का करावे?
जर तुम्ही डिमॅट खाते वापरत नसाल तर ते बंद करणे हा एक चांगला पर्याय आहे. कारण तुम्हाला डिमॅट खात्यावर दरवर्षी वार्षिक शुल्क भरावे लागते. जर तुम्ही हे खाते वापरत नसाल तर ते बंद करणे तुमच्यासाठी फायदेशीर आहे. डिमॅट खाते बंद करण्याची प्रक्रिया समजून घेऊया.
डिमॅट खाते कसे बंद करावे?
लक्षात घ्या की, डिमॅट खाते बंद करण्याची प्रक्रिया फक्त ऑफलाइन आहे. यासाठी तुम्हाला एनएसडीएलच्या डीपी (Depository Participants) कार्यालयात जावे लागेल. यानंतर, येथे तुम्हाला खात्याशी संबंधित काही महत्त्वाची कागदपत्रे आणि फॉर्म सबमिट करावे लागतील. तुम्ही तेथून डीमॅट खाते बंद करण्याचा फॉर्म मिळवू शकता. याशिवाय तुम्ही ते डिपॉझिटरी पार्टिसिपंटच्या वेबसाइटवरूनही डाउनलोड करू शकता. यानंतर, तुम्ही ते भरून त्याच्या कार्यालयात जमा करू शकता. खाते बंद करताना तुम्हाला डीपी आयडी आणि क्लायंट आयडी द्यावा लागेल. यासोबत तुमचे नाव, पत्ता आदी तपशील भरावे लागतील. यासोबतच तुम्ही खाते का बंद करत आहात? हे देखील सांगावे लागेल. यासोबतच, डिमॅट खाते बंद करण्याच्या क्लोजर रिक्वेस्ट फॉर्मवर स्वाक्षरी करणे देखील अनिवार्य आहे. यानंतर खात्यात जमा झालेले पैसे दुसऱ्या खात्यात ट्रान्सफर केल्यानंतर त्याची माहिती येथे भरावी लागेल.
किती दिवसात खाते बंद होईल?
तुम्ही डिमॅट खाते बंद करण्याची विनंती केल्यानंतर तुमचे खाते एकूण 10 दिवसांच्या आत बंद केले जाईल. लक्षात घेण्यासारखी गोष्ट म्हणजे हे खाते बंद करण्यासाठी तुम्हाला कोणत्याही प्रकारचे शुल्क द्यावे लागणार नाही. दुसरीकडे, जर तुमच्या खात्यात काही रक्कम शिल्लक असेल, तर ती फी भरल्यानंतरच तुम्ही खाते बंद करू शकता. त्याशिवाय खाते बंद करण्याची प्रक्रिया पूर्ण होऊ शकत नाही.
