Samsung Galaxy A मालिकेतील दोन नवीन फोनवर काम करण्यात येत आहे. यामध्ये Samsung Galaxy A34 5G आणि Galaxy A54 5G यांचा समावेश आहे. काही दिवसांपूर्वी, Galaxy A34 5G आणि Galaxy A54 5G अनेक सर्टिफिकेशन साइट्सवर दिसले होते आणि आता 15 मार्च रोजी Samsung Galaxy A34 5G आणि Galaxy A54 5G लाँच होणार असल्याची माहिती आहे. याबाबत प्रसिद्ध झालेल्या माहितीनुसार, Galaxy A34 आणि Galaxy A54 हे 15 मार्च रोजी लॉन्च होतील. यापैकी Galaxy A34 नुकताच Google Play Console वर चिपसेट/मॉडेल क्रमांक MT6877V/TTZA सह दिसला. असे सांगितले जात आहे की, हा फोन MediaTek Dimensity 1080 प्रोसेसर सह लॉन्च केला जाईल आणि यात 6 GB रॅम मिळेल.
Galaxy A54 बद्दल बातमी आहे की, हा Samsung च्या Exynos 1380 प्रोसेसर आणि 8 GB रॅम सह ऑफर केला जाईल. फोनमध्ये 256 GB पर्यंत स्टोरेज मिळू शकते. याशिवाय, फोनमध्ये Android 13 आधारित One UI 5.0 असेल. दुसरा अहवाल सूचित करतो की Galaxy A34 आणि Galaxy A54 5G Galaxy S23 मालिका सारख्याच कॅमेरा मॉड्यूलसह लॉन्च केले जातील.Samsung Galaxy A34 आणि Samsung Galaxy A54 च्या जागतिक किंमतीबाबतही अहवाल समोर आला आहे. Galaxy A34 ची सुरुवातीची किंमत 410 युरो म्हणजेच सुमारे 36 हजार 200 रुपये असू शकते. तर त्याच्या टॉप मॉडेलची किंमत 470 युरो म्हणजेच सुमारे 43 हजार 300 रुपये असू शकते. Galaxy A54 ची सुरुवातीची किंमत 530 युरो म्हणजेच सुमारे 46 हजार 800 रुपये असू शकते. या किंमतीत 8 GB रॅमसह 128 GB स्टोरेज मॉडेल उपलब्ध असेल.
Samsung कंपनीविषयी..
सॅमसंग ही दक्षिण कोरियामधील एक बहुराष्ट्रीय अशी कंपनी आहे. सॅमसंग ह्या नावाखाली अनेक विविध गट कार्यरत असून सॅमसंग ही कोरियामधील सर्वात मोठी कंपनी म्हणून ओळखली जाते. सॅमसंग इलेक्ट्रॉनिक्स, सॅमसंग हेवी इंडस्ट्रीज ह्या सॅमसंग परिवारामधील प्रमुख कंपन्या असून सॅमसंगची स्थापना 1938 मध्ये ली ब्युंग-चुल यांनी ट्रेडिंग कंपनी म्हणून केली होती. पुढील तीन दशकांत, समूहाने अन्न प्रक्रिया, कापड, विमा, सिक्युरिटीज आणि किरकोळ विक्री या क्षेत्रांमध्ये विविधता आणली होती. सॅमसंगने 1960 च्या दशकाच्या उत्तरार्धात इलेक्ट्रॉनिक्स उद्योगात प्रवेश केला आणि 1970 च्या दशकाच्या मध्यात बांधकाम आणि जहाजबांधणी उद्योगात प्रवेश केला तसेच, 1987 मध्ये लीच्या मृत्यूनंतर सॅमसंग चार व्यवसाय गटांमध्ये विभागला गेला. यामध्ये सॅमसंग ग्रुप, शिनसेग ग्रुप, सीजे ग्रुप आणि हॅन्सोल ग्रुप यांचा समावेश आहे. 1990 पासून, सॅमसंगने जागतिक स्तरावर त्याच्या क्रियाकलाप आणि इलेक्ट्रॉनिक्सचा विस्तार केला असून विशेषतः त्याचे मोबाईल फोन आणि सेमीकंडक्टर हे उत्पन्नाचे सर्वात महत्वाचे स्त्रोत बनले आहेत.2019 मध्ये सॅमसंगचा महसूल 305 अब्ज डॉलर्स, 2020 मध्ये 107 पेक्षा अधिक अब्ज डॉलर आणि 2021 मध्ये 236 अब्ज डॉलर असा आहे.
