मिडकॅप कंपन्यांमधील वृद्धीची दखल घेणारा पीजीआयएम इंडिया मिडकॅप अपॉर्च्युनिटीज फंडाने गुंतवणूकदारांना दमदार रिटर्न दिला आहे. एक वर्षात सरासरी 6.45% आणि 5 वर्षात सरासरी या फंडाने 156% रिटर्न दिला आहे. त्यामुळे 3 ते 5 वर्षात समाधानकारक परताव्याची अपेक्षा ठेवणाऱ्या गुंतवणूकदारांसाठी हा एक चांगला पर्याय ठरु शकतो.
पीजीआयएम इंडिया मिडकॅप अपॉर्च्युनिटीज फंड 2 डिसेंबर 2013 रोजी सुरु झाला होता. पीजीआयएम इंडिया मिडकॅप अपॉर्च्युनिटीज फंड मधील 93.85% गुंतवणूक स्थानिक कंपन्यांमध्ये करण्यात येते. यात एकूण 66 शेअर्समध्ये गुंतवणूक करण्यात आली आहे. त्यापैकी 6.89% गुंतवणूक ही लार्ज कॅप शेअर्समध्ये आहे. मिडकॅप शेअर्समधील गुंतवणूक प्रमाण 26.95% इतके आहे. स्मॉल कॅपमध्ये 32.48% गुंतवणूक आहे. त्याशिवाय डेब्टमध्ये 0.2% आणि गव्हर्मेंट सिक्युरिटीजमध्ये 0.2% गुंतवणूक केली आहे.
दरम्यान, पीजीआयएम इंडिया मिडकॅप अपॉर्च्युनिटीज फंड हा या श्रेणीच्या तुलनेत उच्च जोखमीचा आहे. त्यामुळे या गुंतवणुकीतून तोटा सुद्धा सहन करावा लागू शकतो. 15 सप्टेंबर 2023 अखेर पीजीआयएम इंडिया मिडकॅप अपॉर्च्युनिटीज फंडाची NAV 49.67 रुपये इतकी आहे. या फंडाचे एकूण आकारमान 9392.69 कोटी इतके आहे. एक्सपेन्स रेशो 1.71% इतका आहे.
रिटर्नच्या बाबत या श्रेणीचा बेंचमार्क असलेल्या निफ्टी मिडकॅप 150 TRI च्या तुलनेत सरस कामगिरी केली आहे. 5 वर्षांचा विचार केला तर पीजीआयएम इंडिया मिडकॅप अपॉर्च्युनिटीज फंडाने गुंतवणूकदारांना 20.65% परतावा दिला. तर बेंचमार्कने याच कालावधीत 18.47% रिटर्न दिला. या श्रेणीचा सरासरी परतावा 16.94% इतका होता.
या फंडात एक वर्षानंतर गुंतवणूक काढून घेतली तर त्यावर दिर्घकालीन भांडवली नफा कर लागू होतो. सध्या दीर्घ कालीन भांडवली नफा कर 10% इतका आहे. एक वर्ष पूर्ण होण्यापूर्वी युनिट्सची विक्री केली तर त्यावर शॉर्ट टर्म कॅपिटल गेल लागू होतो.
एसआयपी गुंतवणूकदारांना देखील पीजीआयएम इंडिया मिडकॅप अपॉर्च्युनिटीज फंडाने चांगले रिटर्न दिल्याचे आकडेवारी सांगते. दरमहा 1000 रुपयांची एसआयपी गुंतवणूक करणाऱ्या गुंतवणूकदारांना 1 वर्षात 11.65% परतावा मिळाला आहे. 2 वर्षात एसआयपीमुळे 14.47% रिटर्न मिळाला. 3 वर्षात 32.63% आणि 5 वर्षात 92.81% परतावा मिळाला.
पाच वर्ष दरमहा 1000 रुपयांची गुंतवणूक करणाऱ्या गुंतवणूकदारांचे गुंतवणूक मूल्य 60000 रुपये इतके झाले मात्र त्याचे बाजारमूल्य 115688.78 रुपये इतके वाढले. पीजीआयएम इंडिया मिडकॅप अपॉर्च्युनिटीज फंड एसआयपी गुंतवणूकदारांना जबरदस्त रिटर्न देणारा ठरला आहे.
