तुम्ही पोस्ट ऑफिसमध्ये गुंतवणूक (Post Office Investment) करण्याचा विचार करत असाल, तर पोस्ट रिकरिंग डिपॉझिट योजना तुमच्यासाठी एक चांगला पर्याय असू शकते. यामध्ये तुम्हाला गुंतवणुकीसोबत इतर फायदे मिळतात. रिकरिंग डिपॉझिटमध्ये (Recurring Deposits) तुम्ही फक्त 100 रुपयांसह गुंतवणूक सुरू करू शकता. एवढेच नाही तर यामध्ये गुंतवणुकीची मर्यादा नाही. तुम्हाला हवी तेवढी गुंतवणूक करता येईल. याशिवाय नियमांनुसार गरज पडल्यास तुम्ही या खात्यावर कर्जही घेऊ शकता. या योजनेअंतर्गत खाते उघडल्यानंतर पाच वर्षांनी मॅच्युरिटी पूर्ण होते. पोस्ट ऑफिसच्या या योजनेबद्दल सविस्तर माहिती मिळवूया.
Table of contents [Show]
पोस्ट ऑफिसची आरडी स्कीम काय आहे?
पोस्ट ऑफिस रिकरिंग डिपॉझिट योजनेद्वारे, तुम्ही कमी पैसे गुंतवून मोठी रक्कम कमवू शकता. याशिवाय यामध्ये तुमचे पैसे पूर्णपणे सुरक्षित राहतात. यातून तुम्ही दरमहा फक्त 100 रुपये गुंतवू शकता. यामध्ये गुंतवणुकीची कमाल मर्यादा नाही, तुम्ही तुम्हाला हवे तेवढे पैसे गुंतवू शकता. पोस्ट ऑफिस आरडी डिपॉझिट खाते ही चांगल्या व्याजाच्या रकमेसह लहान हप्ते जमा करण्यासाठी सरकारी हमी योजना आहे.
तुम्हाला किती व्याज मिळेल?
पोस्ट ऑफिस आरडी खाते 5 वर्षांसाठी खुले असते. प्रत्येक तिमाहीत (वार्षिक दराने) जमा केलेल्या रकमेवर व्याज मोजले जाते. मग ते दर तीन महिन्यांच्या शेवटी चक्रवाढ व्याजात जोडले जाते. इंडिया पोस्ट ऑफिसच्या वेबसाइटनुसार, सध्या आरडी स्कीमवर 5.8% व्याज दिले जात आहे. केंद्र सरकार आपल्या सर्व लहान बचत योजनांमध्ये दर तिमाहीला व्याजदर जाहीर करते.
तर भरावे लागणार विलंब शुल्क
जर तुम्ही आरडीचा हप्ता वेळेवर जमा केला नाही तर तुम्हाला विलंब शुल्क भरावे लागेल. हप्ता भरण्यास उशीर झाल्यास दरमहा एक टक्का विलंब शुल्क भरावे लागेल. यासोबतच तुम्ही सतत 4 हप्ते जमा केले नाहीत तर तुमचे खाते बंद केले जाईल. तथापि, खाते बंद असल्यास, ते पुढील 2 महिन्यांसाठी पुन्हा सक्रिय केले जाऊ शकते.
10 हजार रुपये गुंतवल्यास किती मिळतील?
जर तुम्ही पोस्ट ऑफिस आरडी स्कीममध्ये दर महिन्याला 10,000 रुपये गुंतवले, तेही 10 वर्षांसाठी, तर तुम्हाला मॅच्युरिटीवर 16,26,476 लाख रुपये मिळतील.
पोस्ट ऑफिस आरडीसाठी पात्रता निकष
पोस्ट ऑफिसमध्ये आरडी खाते उघडण्यासाठी प्राथमिक पात्रता निकष खालीलप्रमाणे असतील
- अर्जदार भारतीय नागरिक आणि 18 वर्षांपेक्षा जास्त वयाचा असावा.
- 10 वर्षांपेक्षा जास्त वयाचे अल्पवयीन असल्यास अल्पवयीन मुलाचे पालक त्यांच्या वतीने खाते उघडू शकतात.
- अल्पवयीन मुलांसाठी, आरडी खाते पालक किंवा पालकांद्वारे संयुक्तपणे उघडू शकता. आणि 18 वर्षांपेक्षा जास्त वयाच्या अर्जदारांसाठी, खाते प्राथमिक अर्जदाराच्या नावाखाली असेल.
