जर तुम्ही पुढील वर्षी जानेवारी, फेब्रुवारी, मार्च आणि एप्रिलमध्ये विमानाने प्रवास करण्याचा विचार करत असाल तर तुम्ही कमी किमतीत तिकीट खरेदी करू शकता. देशातील सर्वात मोठी एअरलाइन इंडिगोने (IndiGo Airlines) तीन दिवसांचा हिवाळी सेल (IndiGo Winter Sale) आणला आहे. या सेलमध्ये तुम्ही फक्त 2023 रुपयांमध्ये विमान तिकीट खरेदी करू शकता. सुट्टीचा हंगाम जवळ येत असताना, भारताच्या बजेट एअरलाइनने देशांतर्गत आणि आंतरराष्ट्रीय दोन्ही उड्डाणांच्या सेलची घोषणा केली आहे. एअरलाइनची ही विक्री शुक्रवार, 23 डिसेंबरपासून सुरू झाली आहे. हा तीन दिवसांचा सेल 25 डिसेंबरपर्यंत चालणार आहे. या सेलमध्ये तुम्ही 15 जानेवारी 2023 ते 14 एप्रिल 2023 पर्यंतच्या प्रवासासाठी तिकिटे खरेदी करू शकता.
तिकीट दर
इंडिगोच्या या हिवाळी विक्रीमध्ये, देशांतर्गत आणि आंतरराष्ट्रीय दोन्ही फ्लाइटसाठी तिकिटे खरेदी करता येतील. देशांतर्गत उड्डाणांसाठी फक्त 2023 रुपयांपासून तिकिटे सुरू होत आहेत. तर, आंतरराष्ट्रीय फ्लाइटचे तिकीट 4,999 रुपयांपासून सुरू होत आहे.
विमान वाहतूक क्षेत्रातील रिकव्हरीचा जल्लोष
इंडिगोचे ग्लोबल सेल्स हेड विनय मल्होत्रा यांनी सांगितले की, 'एव्हिएशन सेक्टरमधील रिकव्हरी साजरी करण्याच्या उद्देशाने हे पाऊल उचलण्यात आले आहे. आम्ही 2023 मध्ये प्रवेश करत आहोत. यावर्षी जास्तीत जास्त लोक विमानाने प्रवास करणार आहेत. या सुट्टीच्या मोसमात, आम्ही विमान वाहतूक क्षेत्रात रिकव्हरी साजरी करत आहोत. आम्ही देशांतर्गत आणि आंतरराष्ट्रीय दोन्ही मार्गांसाठी आमच्या हिवाळी सेलची घोषणा केली आहे. ही ऑफर आमच्या विस्तृत नेटवर्कवर परवडणारी भाडे, वेळेवर कामगिरी आणि त्रास-मुक्त सेवा प्रदान करण्याच्या इंडिगोच्या वचनबद्धतेला बळकटी देते.
दररोज 1600 पेक्षा जास्त उड्डाणे
290 विमानांच्या ताफ्यासह, एअरलाइन प्रतिदिन 1,600 पेक्षा जास्त उड्डाणे चालवत असल्याचा दावा करते. एअरलाइन म्हणते की, ती 76 देशांतर्गत आणि 26 आंतरराष्ट्रीय डेस्टिनेशन्स जोडते. एअरलाइनच्या मते, ऑफर अंतर्गत मर्यादित इन्व्हेंटरी उपलब्ध आहे, त्यामुळे ग्राहकांना सवलत उपलब्धतेच्या अधीन राहून आणि इंडिगो (IndiGo) च्या विवेकबुद्धीनुसार प्रदान केली जाईल. शिवाय, ही ऑफर इंडिगोच्या देशांतर्गत आणि आंतरराष्ट्रीय नेटवर्कवरील विविध क्षेत्रांवरील नॉन-स्टॉप फ्लाइट्सवरच वैध आहे. याशिवाय, ग्राहक इंडिगो एअरलाइनची भागीदार बँक HSBC कडून कॅशबॅकचा लाभ देखील घेऊ शकतात.
