साधारणत: ठराविक वर्षाने प्रत्येकाच्या उत्पन्नामध्ये वाढ होत असते. पण कोणाच्या उत्पन्नात नेमकी किती वाढ झाली, हे सांगणे थोडे अवघड आहे. पण नुकत्याच मिळालेल्या माहितीनुसार भारतात 5 लाखापर्यंत, तसेच 5 ते 10 लाख आणि 10 लाखाच्या पुढे किती जणांचे उत्पन्न आहे, याची माहिती केंद्रीय अर्थमंत्रालयाकडून संसदेत देण्यात आली. त्यानुसार गेल्या 6 वर्षात वर्षाला 10 लाखांपर्यंत उत्पन्न घेणाऱ्यांच्या संख्येत 4 पटीने वाढ झाल्याचे दिसून आले आहे.
करदात्यांच्या संख्येतही लक्षणीय वाढ
2015-16 मध्ये 0 ते 5, 5 ते 10 आणि 10 लाखापेक्षा अधिक उत्पन्न असलेल्यांची एकूण संख्या 3 कोटी 99 लाख 60 हजार 738 इतकी होती. ती आता 2021-22 (असेसमेंट वर्ष)मध्ये 6 कोटी 33 लाख 38 हजार 212 इतकी झाली आहे. म्हणजे गेल्या 6 वर्षात यात दुपटीने वाढ झाली आहे.
2014-15 मध्ये वैयक्तिक टॅक्स भरणाऱ्यांची संख्या 4,35,09,915 इतकी तर कॉर्पोरेट टॅक्स भरणाऱ्यांची संख्या 7,29,363 इतकी होती. यात 2020-21 मध्ये अनुक्रमे 6,84,40,784 आणि 9,67,054 इतकी वाढ झाली आहे. केंद्र सरकारला 2014-15 मध्ये कॉर्पोरेट टॅक्समधून 4,28,924.74 कोटी रुपये मिळत होते. तेच आता 2021-22 मध्ये 7,12,037.33 कोटी रुपये मिळत आहेत. त्याचप्रमाणे वैयक्तिक करदात्यांकडून सरकारच्या तिजोरीत 2014-15 मध्ये 2,58,371.12 कोटी रुपये जमा होत होते. त्यात वाढ होऊन आता 2021-22 मध्ये 6,73,413.5 कोटी रुपये जमा झाले होते.
प्रत्येक टॅक्स स्लॅबद्वारे किती लोक टॅक्स भरतात?
2015-16 पासून 2021-22 पर्यंत व्यक्तिगत करदात्यांच्या संख्येत झालेली वाढ | ||||
वैयक्तिक इन्कम टॅक्स | 2015-16 ( AY) | 2019-20 (AY) | 2020-21 (AY) | 2021-22 (AY) |
0 ते 5 लाख | 3,23,71,825 | 4,98,79,348 | 4,63,27,410 | 4,11,60,543 |
5 ते 10 लाख | 53,34,381 | 1,06,26,410 | 1,12,28,574 | 1,40,74,602 |
10 लाखापेक्षा जास्त | 22,54,532 | 48,54,198 | 54,11,934 | 81,03,067 |
एकूण | 3,99,60,738 | 6,53,59,956 | 6,29,67,918 | 6,33,38,212 |
स्त्रोत: लोकसभा प्रश्नोत्तरे दि. 13 फेब्रुवारी, 2023 | ||||
2015-16 मूल्यांकन वर्षामध्ये साधारणपणे वर नमूद केलेल्या तिन्ही प्रकारच्या स्लॅबमध्ये मिळून 3,99,60,738 व्यक्ती टॅक्स भरत होत्या. त्यात वाढ होऊन 2021-22 मध्ये 6,33,38,212 व्यक्ती टॅक्स भरत आहेत.
व्यक्तिगत आणि कॉर्पोरेट करदात्यांच्या संख्येत झालेली वाढ
2015-16 पासून 2021-22 पर्यंत व्यक्तिगत आणि कॉर्पोरेट करदात्यांच्या संख्येत झालेली वाढ | |||
टॅक्स पेअर्स | 2015-16 ( FY) | 2019-20 (FY) | 2020-21 (FY) |
कॉर्पोरेट टॅक्स पेअर्स | 7,71,802 | 9,20,523 | 9,67,054 |
वैयक्तिक टॅक्स पेअर्स | 5,10,33,832 | 6,61,86,940 | 6,84,40,784 |
एकूण टॅक्स पेअर्स | 5,18,05,634 | 6 , 71,07,463 | 6,94,07,838 |
स्त्रोत: लोकसभा प्रश्नोत्तरे दि. 13 फेब्रुवारी, 2023 | |||
2015-16 या आर्थिक वर्षात भारतात एकूण करदात्यांची संख्या 5 लाख 18 हजार इतकी होती. त्यात वैयक्तिक टॅक्स पेअर्सची संख्या 5 लाख 10 हजार या दरम्यान होती. त्याता आता 2020-21 या आर्थिक वर्षात वाढ होऊन वैयक्तिक टॅक्स पेअर्सची संख्या 6 लाख 84 हजार इतकी झाली; तर कॉर्पोरेट टॅक्स पेअर्सची संख्या 9 लाख 67 हजार झाली.
