अनंत अंबानी आणि राधिका मर्चंट यांचा विवाह समारंभ नुकताच पार पडला. केवळ भारतातच नाही तर जगभरात या महागड्या लग्नाची चर्चा झाली. प्री वेडिंगपासून ते लग्नकार्यासाठी जवळपास 5 हजार कोटी रुपये खर्च करण्यात आल्याचे सांगितले जाते. मात्र, केवळ अंबानीच नाही तर अनेक भारतीय लग्नकार्यावर आपल्या उत्पन्नाचा मोठा वाटा खर्च करतात. विशेष म्हणजे शिक्षणापेक्षा लग्नावर दुप्पट खर्च करणाऱ्यांचा आकडा मोठा आहे. 

भारतात दरवर्षी जवळपास 80 लाख लग्न पार पडतात. त्यामुळे अर्थव्यवस्थेलाही याचा फायदा होताना दिसतो. भारतीय लग्न समारंभामध्ये हॉटेल बुकिंग, सजावट, केटरिंग, दागिने अशा विविध गोष्टींचा समावेश होतो. त्यामुळे लग्ग समारंभाचा परिणाम विविध क्षेत्रावर होताना दिसून येतो. 

लग्न समारंभाचा भारतीय अर्थव्यवस्थेत मोठा वाटा

भारतात दरवर्षी 80 लाख ते 1 कोटी लग्न होतात. तर अमेरिकेत हा आकडा 20-25 लाख एवढा आहे. एवढ्या मोठ्या प्रमाणात लग्न होत असल्याने अर्थव्यवस्थेतील वाटा देखील मोठा आहे. भारतीय वेडिंग इंडस्ट्री ही तब्बल 130 अब्ज डॉलर्सची (जवळपास 10 लाख कोटी) बाजारपेठ बनली आहे. हा आकडा अमेरिकेच्या तुलनेत दुप्पट आहे. तर चीनची अर्थव्यवस्था 170 अब्ज डॉलर एवढी आहे.

रिपोर्टनुसार, भारतीय लोक लग्नावर सरासरी 12.5 लाख रुपये खर्च करतात. हा आकडा शिक्षणावर केल्या जाणाऱ्या खर्चाच्या दुप्पट आहे. प्रामुख्याने एप्रिल-जून आणि नोव्हेंबर-डिसेंबर या महिन्यांमध्ये लग्न करणाऱ्यांची संख्या मोठी आहे.

भारतीयांकडून लग्न कार्यावर 3 लाख रुपयांपासून ते 10 कोटी रुपयांपर्यंत खर्च केला जातो. यात प्रामुख्याने लग्नावर 6 लाख ते 10 लाख रुपये खर्च करणाऱ्यांची संख्या मोठी आहे.

लग्नकार्यांमुळे अर्थव्यवस्थेला होतोय फायदा