Google Pixel Watch मधील फॉल डिटेक्शन फीचर हिवाळ्यात रिलीझ केले जाईल. फॉल डिटेक्शन ही आपत्कालीन कॉल सेवा आहे. जर युजर कुठेतरी पडला तर, हे फॉल डिटेक्शन फीचर चालू होते आणि पूर्व-सेव्ह केलेल्या आपत्कालीन नंबरवर कॉल करते.
गुगलने शेवटी आपल्या पहिल्या स्मार्टवॉच गुगल पिक्सेल वॉचसाठी अपडेट जारी केले आहे. ज्याची युजर बऱ्याच काळापासून वाट पाहत होते. तरीही Google ने अद्याप या अपडेटविषयी कोणतीही अधिकृत माहिती दिलेली नाही. Google Pixel Watch च्या यूजर्सना आता फॉल डिटेक्शनचे अपडेट मिळत आहेत.
काही महिन्यांपूर्वी गुगलने सांगितले होते की, गुगल पिक्सेल वॉचमधील फॉल डिटेक्शन फीचर हिवाळ्यात रिलीझ केले जाईल. फॉल डिटेक्शन ही आपत्कालीन कॉल सेवा आहे. जर युजर कुठेतरी पडला तर हे फॉल डिटेक्शन फीचर चालू होते आणि पूर्व-सेव्ह केलेल्या आपत्कालीन नंबरवर कॉल करते.
9to5Google च्या अहवालानुसार, फॉल डिटेक्शन फीचरचे अपडेट Google Pixel Watch वर डिसेंबरच्या अपडेटसह आले आहे. Google Pixel Watch साठी फॉल डिटेक्शनचा फर्मवेअर आवृत्ती क्रमांक RWD9.220429.070 आहे. रिपोर्टनुसार, अपडेटनंतर, सेटिंग्जमधील सुरक्षा आणि आपत्कालीन विभागात फॉल डिटेक्शन फीचर्स पाहिले जाऊ शकते.
अपघाताच्या वेळी जर युजरच्या हातात Google Pixel वॉच असेल, तर तो आपत्कालीन कॉल करेल. यूजर्सना कॉल करण्यापूर्वी त्याचा इशारा देखील मिळेल. जेव्हा तुमचे घड्याळ वाय-फाय नेटवर्क किंवा LTE नेटवर्कशी कनेक्ट केलेले असेल तेव्हाच हे फीचर कार्य करेल.
Google Pixel Watch ला डिसेंबरमध्ये OTA अपडेट क्रमांक 1.0.5.491529637 सह पहिले अपडेट प्राप्त झाले. या अपडेटसह, अनेक बगचे निराकरण केले गेले आहे आणि परफॉर्मन्स सुधारला गेला आहे. यासोबतच बॅटरी सेव्हर फीचर देखील आढळून आले आहे.
