Save Money On Low Salary : कोणतेही कार्य पैशांशिवाय अशक्य आहे. कोणतेही काम करायचे असेल तर त्यासाठी पैशांची गरज नक्कीच पडते. दैनंदिन गरजा पूर्ण करण्याबरोबरच, पैशांची बचत करणे देखील खूप गरजेचे आहे. याचबरोबर भविष्यातील वाढत्या गरजा, आरोग्याविषयीचे प्रश्न सोडविण्यासाठी बचत करणे फार गरजेचे झाले आहे. आज आम्ही तुम्हाला पैशांची बचत करण्याचे काही सोपे मार्ग सांगणार आहोत, ज्याचा अवलंब करुन तुम्ही भविष्यासाठी पैशांची बचत करु शकता.
Table of contents [Show]
कौटुंबिक खर्च मर्यादित करा
बचत करण्याचा सर्वात पहिला मंत्र म्हणजे तुमचा खर्च मर्यादित करा. घरातील कुठलेही सामान खरेदी करण्यापूर्वी एक यादी तयार करा. फक्त आवश्यक वस्तू खरेदी करा. अनावश्यक वस्तू खरेदी करु नका. यामुळे तुमच्या पैशांची बचत होण्यास सुरुवात होईल.
अनावश्यक खर्च टाळा
सगळ्यात आधी तुम्हाला हे समजून घ्यावे लागेल की, तुमचा कोणता खर्च आवश्यक आहे आणि कोणता खर्च अनावश्यक आहे. असे अनेक खर्च अनावश्यक खर्च आहेत, जे तुम्हाला कंट्रोल मध्ये आणावे लागतील किंवा पूर्णपणे थांबवावे लागतील.
तांत्रिक खर्चात कपात करा
लोक त्यांच्या मोबाईल, लॅपटॉप आणि कॅम्प्युटरवरही खूप खर्च करतात. अनेकजण Amazon Prime, Netflix यासारख्या गोष्टींचे रिचार्ज करतात, मेंमबरशीप घेतात. परंतु, तुम्ही केवळ मेंमबरशीप घ्या. यासाठी केला जाणारा स्वतंत्र वायफाय, मोबाइल डेटा आणि इतर खर्च टाळू शकता.
घरच्या जेवणाला प्राधान्य द्या
जर तुम्हाला बाहेर खाण्याची आवड असेल, तर तुम्हाला जिभेवर नियंत्रण ठेवावे लागेल. पैसे वाचविण्याच्या नादात स्वस्त रेस्टॉरेंट निवडले, किंवा बाहेर चौपाटीवरचं खाल्लं तर तुम्ही आजारी पडू शकता. त्यानंतर
उपचारासाठी परत पैसे लागतील. त्यामुळेच घरच्या जेवणाला प्राधान्य देणे योग्य ठरेल, यामुळे तुमची बचतही होईल.
कमाईच्या साधनांमध्ये वाढ करा
बचत करण्यासाठी तुमच्या कमाईच्या साधनांमध्ये देखील वाढ होणे महत्वाचे आहे. उत्पन्नाचा एकच स्त्रोत पुरेसा नाही. कुटूंबातील मुले जसजशी मोठी होतात, तसतसा खर्च वाढत जातो. त्यामुळे मिळालेल्या इतर वेळेत साईड इनकम मिळवण्याचा प्रयत्न करत राहीलं पाहिजे.
एक परफेक्ट बजेट बनवून बचत करा
तुम्हाला तुमच्या खर्चासाठी बजेट तयार करावे लागेल. पैसा नेमका कुठेकुठे खर्च होणार आहे, हे कळायला हवे. यासाठी एक परफेक्ट बजेट बनवून बचत करा. बजेट बनवल्यानंतर खर्च मर्यादित होतो. खर्च मर्यादित झाला की पैशांची बचत आपोआप होते.
खरेदी करतांना सावध रहा
खरेदीला जाताना थोडे सावध राहावे लागते. तुम्हाला आवडलेली प्रत्येक वस्तू ही गरजेचीच असते, असे नाही. जेव्हाही तुम्ही एखादी वस्तू खरेदी कराल, तेव्हा त्याची उपयुक्तता जाणून घ्या. तसेच जास्त खाद्यपदार्थ खरेदी करू नका. आपल्या बास्केटमध्ये फक्त आवश्यक गोष्टी घ्या. यामुळे तुमची बचतही वाढू शकते.
योग्य ठिकाणी गुंतवणूक करा
नागरिक भविष्याची तरतूद म्हणून पैसे वाचवितात आणि तेच पैसे आणखी जास्त व्हावे, यासाठी गुंतवणूक करतात. परंतु, तुम्ही तुमचा मेहनतीचा पैसा गुंतवणूक करता. तेव्हा कुठल्याही प्रकारची गुंतवणूक करण्यापूर्वी नीट विचार करा, जिथे गुंतवणूक करणार आहात, त्याबाबत चौकशी करा.
