ITR: आर्थिक वर्ष 2022-23 साठी आयकर रिटर्न भरण्याची शेवटची तारीख 31 जुलै 2023 आहे. तुम्हालाही होणारा दंड टाळायचा असेल, तर तुम्ही तुमचा आयटीआर वेळेवर भरला पाहिजे. आयकर विभागाच्या अधिकृत वेबसाइटवर तुम्ही तुमचे विवरणपत्र दाखल करू शकता. मात्र, गेल्या वर्षीच्या तुलनेत यावेळी आयकर विभागाकडून काही बदल करण्यात आले आहेत. अशा परिस्थितीत जर तुम्ही तुमचा ITR भरत असाल, तर नवीन नियम आणि झालेल्या बदलांबाबत माहिती करुन घ्या.
Table of contents [Show]
द्यावा लागेल ARN क्रमांक
आर्थिक वर्ष 2022-23 मध्ये देणगी देणारी व्यक्ती कलम 80G अंतर्गत वजावटीसाठी पात्र आहे. या वर्षीपासून, देणगीदाराला आयटीआर फॉर्ममध्ये देणगीचा एआरएन क्रमांक (Acquirer Reference Number) द्यावा लागेल. हा नियम त्या देणग्यांसाठी लागू आहे जेथे 50% कपातीची परवानगी आहे.
VDA उत्पन्न भरावे लागेल
1 एप्रिल 2022 पासून व्हर्च्युअल डिजिटल मालमत्तेशी संबंधित इन्कमवर टॅक्स लावण्यासाठी आयकर कायद्यात काही स्पेसिफिकेशन जोडण्यात आली आहेत. क्रिप्टोच्या ट्रांझेक्शनवर कलम 194S अंतर्गत TDS लागू होईल. VDA कडून मिळणाऱ्या उत्पन्नाबाबत आवश्यक खुलासे देण्यासाठी फॉर्ममध्ये बदल करण्यात आला आहे. टॅक्सपेयर्सला VDA (Variable Dearness Allowance) च्या उत्पन्नाचे संपूर्ण डिटेल्स द्यावे लागतील.
कलम 89A अंतर्गत TCS आणि सवलत
करदात्यांना त्यांच्या प्राप्तिकर दायित्वाच्या विरोधात स्त्रोतावर कर संग्रहित (Tax collection at source) दावा करण्याची परवानगी आहे. तसेच, जर करदात्याने मागील वर्षांमध्ये कलम 89A अंतर्गत सवलतीचा दावा केला असेल आणि नंतर तो अनिवासी झाला असेल, तर अशा सवलतीतून मिळणाऱ्या करपात्र उत्पन्नाचा तपशील ITR फॉर्ममध्ये आवश्यक आहे.
संपूर्ण माहिती देणे आवश्यक
2022-23 या आर्थिक वर्षासाठी ITR फॉर्ममध्ये इतरही अनेक बदल करण्यात आले आहेत, जसे की ITR-3 मधील बॅलेंस शीट मध्ये माहिती द्यावी लागेल. यासह, SEBI नोंदणी क्रमांक देणे आवश्यक आहे.
इंट्राडे ट्रेडिंग बद्दल द्यावी लागेल माहिती
नव्याने सादर केलेल्या आयटीआर फॉर्ममध्ये ट्रेडिंग अकाउंट विभागामध्ये केलेले व्यवहार आणि इंट्राडे ट्रेडिंगमधून मिळणाऱ्या उत्पन्नाचा अहवाल आवश्यक असेल. यावेळी आयटीआर भरण्यापूर्वी तुम्हाला वरील सर्व गोष्टींची माहिती असणे आवश्यक आहे.
