टीआरपी लिस्टमध्ये नेहमी पहिल्या क्रमांकावर असणारी 'अनुपमा' या मालिकेची मुख्य अभिनेत्री रुपाली गांगुली (TV Actress Rupali Ganguli) सोशल मीडियावर खूप सक्रिय असते. शो व्यतिरिक्त ती तिच्या इन्स्टा अकाउंटवर चाहत्यांचे मनोरंजन करत असते. 'अनुपमा'च्या भूमिकेत रुपाली गांगुलीने लोकांच्या हृदयावर अमिट छाप सोडली आहे. स्त्री शक्तीवर आधारित ही मालिका इतर सर्व शोजना मागे टाकले आहे आणि त्याच प्रकारे रूपाली गांगुलीनेही कमाईच्या बाबतीत सर्वांना मागे टाकले आहे. तुम्हाला हे जाणून आश्चर्य वाटेल की रुपाली गांगुली ही टीव्ही जगतातील सर्वात महागडी अभिनेत्री आहे आणि अलीकडेच तिने तिच्या कमाईने एक नवीन कार खरेदी केली आहे.
रुपालीची नवीन गाडी
रुपाली गांगुलीने नुकताच सोशल मीडियावर स्वत:चा एक व्हिडिओ पोस्ट केला आहे, ज्यामध्ये तिने स्वत:साठी एक नवीन चमकणारी बीएमडब्ल्यू खरेदी करत असल्याचे दाखवले आहे. या व्हिडिओमध्ये रूपालीसोबत तिचा मुलगा आणि पती दोघेही दिसत आहेत. व्हिडीओमध्ये स्पष्टपणे दिसत आहे की, रुपाली गांगुली कार खरेदीमुळे खूप आनंदात आहे. हा व्हिडिओ शेअर करताना त्याने तीन लोकांचे आभार मानले आहेत. पहिला तिचा नवरा अश्विन वर्मा, दुसरा 'अनुपमा' दिग्दर्शक राजन शाही आणि तिसरा मुलगा रुद्रांश.
मोठ्या-मोठ्या स्टार्सना टाकले मागे
अभिनेत्री रुपाली गांगुलीने मानधनाच्या बाबतीत अनेक मोठ्या कलाकारांना मागे टाकले आहे. बॉलिवूड लाईफने आपल्या रिपोर्टमध्ये सूत्रांच्या हवाल्याने याबाबतची माहिती दिली आहे. रिपोर्टनुसार रुपाली गांगुली सुरुवातीला दिवसाला 1.5 लाख रुपये मानधन आकारत होती. पण आता अभिनेत्री रुपाली गांगुली दिवसाला तीन लाख रुपये मानधन आकारते. यामुळे अभिनेत्री रुपाली गांगुली इंडियन टेलिव्हिजन क्षेत्रात सर्वाधिक मानधन घेणारी अभिनेत्री ठरली आहे. एवढेच नाही तर मानधनाच्या बाबतीत रुपालीने अनेक टीव्ही अभिनेत्रींना मागे टाकले आहे. अभिनेत्रीच नव्हे तर मोठ-मोठे अभिनेते जसे की अभिनेता राम कपूर, रोनित रॉय यांना देखील मानधनाच्या बाबतीत रुपाली गांगुलीने मागे टाकले आहे. असे मानण्यात येते की काही महिन्यांपूर्वीच अभिनेत्री रुपाली गांगुलीने तिची फी वाढवली आहे.
टीआरपीमध्ये ‘अनुपमा’ची धम्माल
स्टार प्लस वाहिनीवरील ‘अनुपमा’ या मालिकेत अभिनेत्री रुपाली गांगुली ही अनुपमा ही व्यक्तिरेखा साकारत आहे. रुपाली गांगुलीची ही मालिका टीआरपीच्या शर्यतीत धम्माल उडवून देत आहे. जेव्हापासून ही मालिका ऑन एअर आहे तेव्हापासूनच ही मालिका प्रेक्षकांच्या पसंतीस उतरत आहे. राजन शाही यांच्या अनुपमा या मालिकेने टीव्ही क्वीन एकता कपूरच्या अनेक मोठ्या मोठ्या मालिकांना पिछाडीवर टाकले आहे. ‘अनुपमा’ मालिका हिट ठरण्यामागे मालिकेतील कलाकारांच्या चांगल्या अभिनयासोबतच क्रिएटर्सची मेहनत हे एक कारण ठरत आहे.
