2023 पासून (New Year 2023) अनेक बदल होणार आहेत ज्याचा थेट परिणाम ग्राहकांच्या खिशावर होणार आहे. त्याचबरोबर नवीन वर्षात (New Year) अनेक क्षेत्रांमध्ये नवीन नियम देखील लागू केले जात आहेत, ज्यामुळे त्या क्षेत्रातील उत्पादनांच्या किमती बदलतील. या बदलांमुळे सर्वसामान्यांना जास्त किंमत मोजावी लागू शकते.
Table of contents [Show]
विमा पॉलिसी प्रीमियम वाढेल
विमा नियामकाने सांगितले की 1 जानेवारी 2023 पासून कोणत्याही प्रकारची विमा पॉलिसी खरेदी करण्यासाठी केवायसी (KYC – Know Your Customer) अनिवार्य करण्यात आले आहे. यासह विमा कंपन्या केवायसीसाठी प्रक्रिया शुल्क लागू करू शकतात. त्यामुळे प्रत्येक प्रकारच्या विमा पॉलिसीचा प्रीमियम वाढण्याची शक्यता आहे.
स्मार्टफोनच्या किमतीत संभाव्य बदल
स्मार्टफोन विक्री आणि खरेदीचे नियम बदलले आहेत. नवीन वर्षापासून फोन कंपनीने आपल्या सर्व आयात-निर्यात फोनची नोंदणी करणे आवश्यक करण्यात आले आहे. त्यामुळे कंपन्यांवर नोंदणी शुल्काच्या रूपाने बोजा वाढणार असून, त्याचा परिणाम स्मार्टफोनच्या किमतीवर होणार आहे. त्यामुळे हा परिणाम स्मार्टफोनच्या ग्राहकांच्या खिशावर होणार आहे.
कारच्या किमती वाढतील
नवीन वर्षात चारचाकी वाहनांसह इतर वाहनांच्या किमती वाढू शकतात. दिग्गज वाहन उत्पादक टाटा मोटर्स, एमजी मोटर, मारुती सुझुकी, ह्यू मोटर्स यांनी त्यांच्या वाहनांच्या किमती वाढवण्याचे संकेत दिले आहेत. खर्च वाढल्याने वाहनांच्या किमती वाढणार असल्याचे मानले जात आहे.
इलेक्ट्रिक वाहनांच्या किमती वाढतील
इलेक्ट्रिक वाहनांच्या बॅटरीच्या गुणवत्तेबाबत सरकारने बॅटरी उत्पादनासाठी नवीन मानके निश्चित केली आहेत. नवीन धोरणाचा दुसरा टप्पा मार्च 2023 मध्ये लागू केला जाईल. नवीन मानकांनुसार ईव्ही बॅटरी बनवण्यासाठी उत्पादकांना बॅटरीची पुनर्रचना करावी लागेल. सेल, BMS (Battery management system) आणि बॅटरी पॅक स्तरांवर बदल केले जातील. यामुळे खर्चात वाढ होईल ज्यामुळे ईव्हीची किंमत 10 ते 15 टक्क्यांनी वाढेल.
क्रेडिट कार्ड पेमेंटवर प्रोसेसिंग फी वाढली
एसबीआयने क्रेडिट कार्ड व्यवहारांवर प्रोसेसिंग फी बदलले आहे. बँकेने सर्व व्यापारी ईएमआय व्यवहारांवरील प्रोसेसिंग फी सुधारित केले आहे ते आधीच्या रु. 99 + लागू करांवरून 199 रुपये + लागू कर करण्यात आले आहे. त्याच वेळी, सर्व प्रकारच्या रेंट पेमेंट ट्रान्झॅक्शनवर 99 रुपयांची प्रोसेसिंग फी शुल्क + लागू कर सुधारणा करण्यात आली आहे.
