LIC Group Post Retirement Medical Benefit Scheme: भारतीय आयुर्विमा महामंडळाद्वारे नुकतीच एका नवीन रिटायर प्लॅनची सुरुवात केली आहे. तुम्ही एलआयसीच्या योजनांमध्ये गुंतवणूक करण्याचा विचार करत असाल, तर एलआयसीची नवीन योजना ग्रुप पोस्ट रिटायरमेंट मेडिकल बेनिफिट स्कीम तुमच्यासाठी खूप फायदेशीर ठरू शकते. कारण LIC ने खासकरून रिटायरमेंटनंतर सर्वसामान्यांना चांगले उपचार मिळावेत या उद्देशाने ही योजना सुरू केली आहे.
एलआयसीच्या या योजनेचा लाभ ग्रुप कव्हरेजच्या प्रत्येक सदस्याला निश्चित जीवन विमा पेमेंटच्या स्वरूपात मिळणार आहे. रिटायरमेंटपूर्वी एखाद्या सदस्याचा सेवेत असताना मृत्यू झाल्यास या ग्रुप कव्हर अंतर्गत विमा रक्कम दिली जाईल. जेव्हा एखादा सदस्य आपले पद सोडतो किंवा रिटायर होतो तेव्हा योजनेच्या नियमांनुसार रिटायरमेंटनंतरचे मेडिकल बेनिफिट दिले जातील.
या योजनेच्या नियमांद्वारे ग्रुप पॉलिसी अकाउंटमधील निधीच्या उपलब्धतेच्या अधीन असलेल्या कर्मचाऱ्यांच्या कुटुंबांतील पात्र सदस्य रिटायरमेंटनंतरचे मेडिकल बेनिफिट घेऊ शकतात. याव्यतिरिक्त प्रत्येक सदस्याला Fixed life cover benefits देखील मिळते. आपल्या कर्मचार्‍यांच्या फायद्यासाठी योगदान देऊ शकणाऱ्या कोणत्याही कंपनीद्वारे ही योजना स्वीकारली जाऊ शकते. ही योजना लागू करण्यासाठी कंपनीमध्ये कमीत कमी 50 कर्मचारी असणे आवश्यक आहे.
सिक्युरिटीज अँड एक्सचेंज बोर्ड ऑफ इंडिया (SEBI) रेग्युलेशन, 2015 च्या नियम 30 नुसार, LIC ने 02 मे 2023 रोजी आपली नवीन योजना सुरू करण्याची घोषणा केली होती. एलआयसीने नियामक फाइलिंगमध्ये म्हटले आहे की ही योजना एलआयसीने ऑफर केलेल्या 11 गट उत्पादने आणि ग्रुप अ‍ॅक्सिडेंट रायडरमध्ये जोडल्या जाणार आहे.
(Source: hindi.moneycontrol.com)
