पोह्याचे नाव घेताच त्याची चव जिभेवर रेंगाळते. ही डिश जवळपास संपूर्ण देशात बनवली जाते आणि मोठ्या उत्साहाने खाल्ली जाते. दरम्यान, पोह्याबाबत एक रंजक प्रकरण समोर आले आहे. खरं तर, देशातील सर्वात मोठी एअरलाइन इंडिगोने (Indigo Airline) आपल्या ट्विटर अकाउंटवर असे ट्विट केले की लोकांनी इंडिगोला ट्रोल करायला सुरुवात केली. कंपनीने ट्विट करून पोह्याला सॅलड म्हटले आहे. यानंतर सोशल मीडियावर प्रतिक्रियांचा पूर आला.
इंडिगोचं ट्विट
इंडिगोने आपल्या ट्विटर पोस्टमध्ये नाश्त्यामध्ये खाण्यात येणाऱ्या पोह्यांचा फोटो शेअर केला आहे आणि त्याचे वर्णन 'फ्रेश सॅलड' असे केले आहे. पोस्टवर 'मेड टुडे, सर्व्ह टुडे' अशी ओळ लिहिली होती. पोस्टला एक कॅप्शन देण्यात आले आहे. त्यामध्ये म्हटले आहे की, "ताजे सॅलड सर्व्ह करण्यात आले आहे, ते खाऊन पहा." त्यानंतर तुम्ही बाकी सर्व फेकून द्याल.
सोशल मीडियावर प्रतिक्रियांचा पूर
यानंतर लोकांनी ही पोस्ट सोशल मीडियावर खूप शेअर करून इंडिगो एअरलाइनला ट्रोल केले. पोहे ऑनलाइनही ट्रेंड करू लागले आहेत. एव्हिएशन कंपनीची ही पोस्ट सोशल मीडियावर प्रचंड व्हायरल होत आहे. इंटरनेटवरील बर्‍याच वापरकर्त्यांनी आक्षेप घेतला आणि सांगितले की ते कोशिंबीर असू शकत नाही – त्याला पोहे म्हणतात. कृपया तुमचे फॅक्ट्स दुरुस्त करा.
याबाबतीत इंडिगो जगातील टॉप-20च्या यादीत
विशेष म्हणजे, इंडिगोचा जागतिक स्तरावरील टॉप-20 वक्तशीर विमान कंपनीमध्ये समावेश करण्यात आला आहे. एव्हिएशन सेक्टर कंपनी OAG च्या अहवालानुसार, वक्तशीरपणाच्या बाबतीत इंडिगो 2022 मध्ये 15 व्या स्थानावर आहे. इंडिगो 2022 मध्ये जागतिक स्तरावर 20 सर्वात वक्तशीर विमान कंपन्यांमध्ये 15 व्या क्रमांकावर आहे. एअरलाइन 2019 मध्ये 54 व्या क्रमांकावर होती.
