भारतीय क्रिकेट संघाचा यष्टीरक्षक फलंदाज केएल राहुल आणि बॉलिवूड अभिनेत्री अथिया शेट्टी विवाहबंधनात (Athiya Shetty And KL Rahul Wedding) अडकले. या दोघांच्या लग्नानंतर क्रीडा जगत आणि सिनेजगतातून अभिनंदनाचा वर्षाव होत आहे. लग्नाच्या निमित्ताने दोघांच्याही मित्रांकडून भेटवस्तूंचा वर्षाव होत आहे. विराट कोहली (Virat Kohli) आणि महेंद्रसिंग धोनीसारख्या वरिष्ठ खेळाडूंनी तसेच बॉलिवूडमधील सेलिब्रिटींनी या दोघांना खूप महागड्या भेटवस्तू दिल्या आहेत. (KL Rahul and Athiya Shetty received gifts worth crores)
Table of contents [Show]
सासऱ्याने गिफ्ट केले आलिशान अपार्टमेंट
मीडिया रिपोर्ट्सनुसार, बॉलिवूडचे ज्येष्ठ अभिनेते सुनील शेट्टी यांनी त्यांची मुलगी आणि जावई यांना त्यांच्या विवाहानिमित्त मुंबईत एक आलिशान अपार्टमेंट गिफ्ट केले आहे. या अपार्टमेंटची किंमत 50 कोटी रुपये असल्याचे सांगण्यात येत आहे.
धोनीने आणि विराटने दिले खास गिफ्ट
त्याचवेळी आंतरराष्ट्रीय क्रिकेटमधून निवृत्ती घेतलेला महेंद्रसिंग धोनी राहुल आणि अथिया शेट्टीच्या लग्नाला पोहोचला. धोनीने लग्नात दिलेली भेट खूपच अनोखी होती. महेंद्रसिंग धोनीला बाइकची खूप आवड आहे. त्याच्याकडे डझनभर बाइक्सचा अप्रतिम कलेक्शन आहे. राहुल आणि अथियाच्या लग्नाच्या निमित्ताने धोनीने कावासाकी निन्जा बाईक भेट दिली आहे. ही बाईक धोनीच्या स्वतःच्या बाईक कलेक्शनमधील आहे. त्याची किंमत सुमारे 80 लाख रुपये आहे. तर विराट कोहलीने अथिया आणि राहुलला बीएमडब्ल्यू कार गिफ्ट केली आहे. त्याची किंमत 2 कोटी रुपयांहून अधिक आहे.
सलमान खानने दिली ऑडी
अभिनेता सलमान खानने अथिया शेट्टीला ऑडी कार भेट दिली आहे. बातमीवर विश्वास ठेवला तर या कारची किंमत 1.64 कोटी रुपये आहे.
अर्जुन कपूरने दिले डायमंड ब्रेसलेट
अर्जुन कपूर हा अथिया शेट्टीचा चांगला मित्र मानला जातो. अर्जुन कपूरने अथिया शेट्टीला एक अतिशय सुंदर डायमंड ब्रेसलेट गिफ्ट केले आहे. त्याची किंमत सुमारे दीड कोटी रुपये असल्याचे सांगण्यात येत आहे.
100 जणांच्या उपस्थितीत लग्न पार पडले
इंडियातून सुटी घेऊन केएल राहुलने लग्न केले. तो न्यूझीलंडविरुद्ध खेळल्या जाणाऱ्या एकदिवसीय, टी-२० मालिकेचा भाग नव्हता. केएल राहुल आणि अथिया शेट्टीचे लग्न सुनील शेट्टीच्या घरी लग्न झाले, जिथे फक्त 100 पाहुणे उपस्थित होते. महेंद्रसिंग धोनी, वरुण आरोन, इशांत शर्मा यांच्यासह काही क्रिकेटपटूच या लग्नाला उपस्थित राहू शकले. असे मानले जात आहे की आयपीएलनंतर केएल राहुलकडून एक मोठे रिसेप्शन दिले जाईल, ज्यामध्ये अनेक क्रिकेटर्स उपस्थित राहू शकतात. सर्व खेळाडू आणि त्यांच्या कुटुंबीयांनी केएल राहुल, अथिया शेट्टी या जोडीचे सोशल मीडियाच्या माध्यमातून अभिनंदन केले.
