Hindustan Zinc is buzzing: खाण कंपनी हिंदुस्तान झिंकने (Hindustan Zinc) गुरुवारी, 19 जानेवारी रोजी 5 हजार 493 कोटी रुपयांचा तिसरा अंतरिम लाभांश जाहीर केला. वेदांत समर्थित मेटल प्लेअरचा त्याच्या गुंतवणूकदारांना मोठा लाभांश (Dividend) देण्याचा मजबूत ट्रॅक रेकॉर्ड आहे. कंपनीने ताज्या लाभांशाची रेकॉर्ड डेट आधीच जाहीर केली आहे. तसेच, कंपनीने 31 डिसेंबर 2022 रोजी संपलेल्या तिसऱ्या तिमाहीचे आर्थिक निकाल जाहीर केले.
नियामक फाइलिंगनुसार, हिंदुस्तान झिंकने सांगितले की, त्यांच्या बोर्डाने आर्थिक वर्ष 2023 (FY2023) साठी 13 रुपये प्रति इक्विटी शेअरचा तिसरा अंतरिम लाभांश मंजूर केला आहे, जो प्रति शेअर 2 रुपयांच्या दर्शनी मूल्याच्या 650% आहे. हा लाभांश एकूण 5 हजार 493 कोटी आहे. हिंदुस्तान झिंकने तिसऱ्या अंतरिम लाभांशासाठी पात्र भागधारक निश्चित करण्यासाठी 30 जानेवारी ही रेकॉर्ड तारीख निश्चित केली आहे.
यापूर्वी, हिंदुस्तान झिंकने चालू आर्थिक वर्षासाठी 21 प्रति शेअर एकूण 1 हजार 50 टक्क्यांचापहिला अंतरिम लाभांश आणि 775 टक्क्यांचा दुसरा अंतरिम लाभांश 15.50 प्रति समभाग चालू आर्थिक वर्षासाठी दिला होता. आर्थिक वर्ष 2023 च्या पहिल्या सहा महिन्यांत, कंपनीने एकूण 1 हजार 825% लाभांश दिला, जो प्रति इक्विटी शेअर 36.50 इतका होता. आर्थिक वर्ष 2022 मध्ये, कंपनीने 18 प्रति इक्विटी शेअर किमतीचा 900 टक्के लाभांश त्यांच्या भागधारकांना दिला होता.
कंपनीला 2,156 कोटी नफा (2,156 crore profit to the company)
वेदांताची उपकंपनी हिंदुस्तान झिंकने गुरुवारी डिसेंबर तिमाहीत 2 हजार 156 कोटींचा एकत्रित निव्वळ नफा नोंदवला, जो एका वर्षापूर्वीच्या 2 हजार 701 कोटींपेक्षा 20 टक्क्यांनी कमी आहे. अनुक्रमिक आधारावर, करानंतरचा नफा (PAT) 19 टक्क्यांनी कमी झाला. सप्टेंबर तिमाहीत ते 2 हजार 680 कोटी होते.
हिंदुस्तान झिंक कंपनीविषयी (About Hindustan Zinc Company)
हिंदुस्थान झिंक ही भारतातील सर्वात मोठी खाणकाम क्षेत्रातील कंपनी आहे. जगातील दुसऱ्या क्रमांकाची झिंक-लीड खाणकाम कंपनी आहे. कंपनी 50 वर्षांहून अधिक काळापासून खाणकाम ऑपरेशन्स करत आहेत. मुख्य म्हणजे ही कंपनी नैसर्गिक संसाधनांचे संवर्धन करून खाणकामास प्राधान्य देते. जस्त उद्योगात या कंपनीचा 80 टक्के वाटा आहे. जगातील सहाव्या क्रमांकाची खाण काम कंपनी आहे.
