आज तुम्हाला सोने आणि चांदी (Gold & Silver Rate) खरेदी करण्यासाठी जास्त खर्च करावा लागणार नाही कारण त्यांच्या किमती कमी होत आहेत. सोने आणि चांदी दोन्ही मौल्यवान धातू लाल श्रेणीत व्यवहार करत आहेत. सोन्याच्या जागतिक किमतीतही घट झाली असून चांदीची जागतिक किंमतही खाली आली आहे.
Table of contents [Show]
एमसीएक्सवर सोन्याची किंमत
मल्टी कमोडिटी एक्सचेंजमध्ये आज सोन्याच्या किमतीत मोठी घसरण होत असून सोने 400 रुपयांनी स्वस्त झाले आहे. कालच्या तुलनेत आज सोन्याचा भाव 401 रुपयांनी घसरून 56349 वर व्यवहार करत आहे. सोने 0.71 टक्क्यांच्या घसरणीसह 56350 रुपये प्रति 10 ग्रॅम दराने व्यवहार करत आहे.
एमसीएक्सवर चांदीची किंमत
एमसीएक्सवर आज चांदीचे भावही घसरत आहेत. चांदीच्या या किमती मार्च फ्युचर्ससाठी आहेत. आज चांदी 65799 रुपये प्रति किलो या दराने व्यवहार करत आहे. चांदीमध्ये 0.68 टक्क्यांची घसरण दिसून येत आहे.
जाणून घ्या जागतिक बाजारात सोन्याची किंमत
जागतिक बाजारपेठेतील सोन्याच्या किमतीवर नजर टाकली तर आज तो घसरणीसह व्यवसाय करत आहे. कॉमॅक्सवर सोने आज 1,852.85 डॉलर प्रति औंस आहे आणि या किमती एप्रिल फ्युचर्ससाठी आहेत. आज सोन्याचा भाव 12.55 डॉलर किंवा 0.67 टक्क्यांनी घसरत आहे.
जागतिक बाजारात चांदीची किंमत
जागतिक बाजारात चांदीची किंमत पाहिली तर ती प्रति औंस 21.698 डॉलरवर कायम आहे. यात प्रति औंस 0.175 डॉलरची घसरण झाली आहे आणि 0.80 टक्के घसरण झाली आहे.
अशी तपासा सोन्याची शुद्धता
‘BIS Care App’ चा वापर करुन तुम्ही सोन्याची शुद्धता तपासू शकता. याशिवाय तुम्ही याबाबत तक्रारसुद्धा नोंदवू शकता. वस्तूचा परवाना, नोंदणी, हॉलमार्क चुकीचा आढळल्यास याबाबतची तक्रार ग्राहक तात्काळ करू शकतात.
- 24 कॅरेट शुद्ध सोन्यावर 999 लिहिलेले असते.
- 22 कॅरेट शुद्ध सोन्यावर 916 लिहिलेले असते.
- 21 कॅरेट शुद्ध सोन्यावर 875 लिहिलेले असते.
- 18 कॅरेट शुद्ध सोन्यावर 750 लिहिलेले असते.
- 14 कॅरेट शुद्ध सोन्यावर 585 लिहिलेले असते.
सोन्याचे आर्थिक महत्त्व
भारतीयांना सर्वात जास्त कोणता धातू प्रिय असेल तर तो सोनं आहे. लग्नसमारंभ, सण आदि दिवशी भारतात सोन्याचे दागिने घालण्याची पद्धत पूर्वीपासून सुरु आहे. त्यामुळे दिवाळी, अक्षय्य तृतीया आणि इतर सणांदिवशी त्याचप्रमाणे लग्नसमारंभांच्या मोसमात सोन्याचे भाव वाढलेले दिसतात. सरकारचा सोन्याचा साठा, महागाई, जागतिक ट्रेंड, व्याजदर या घटकांवर सोन्याची किंमत ठरते. सोन्याच्या किंमतीवरून कोणत्याही देशाची अर्थव्यवस्था सुदृढ आहे किंवा नाही हे ठरते. म्हणजेच ज्या देशात सोन्याची किंमत अधिक असते त्या देशाची अर्थव्यवस्था कमकुवत असते. तर ज्या देशात ही किंमत कमी असते त्या देशाची अर्थव्यवस्था बळकट असते.
