Bigg Boss Telugu 6 Winner: टेलिव्हिजनवर सर्वात जास्त टीआरपी असलेला आणि लोकांची पंसती मिळालेला शो म्हणजे बिग बॉस. 19 डिसेंबरला बिग बॉस तेलगूच्या (Bigg Boss Telugu 6) सीझन-6 चा ग्रँड फिनाले पार पडला. हा शो 4 सप्टेंबर 2022 पासून सुरु झाला होता. तेलगू बिग बॉस सीझन-6 चा रेवंत (LV Revanth) हा विजेता ठरला असून रनर-अप श्रीहन (Shrihan) ठरला आहे. हे दोघेही बिग बॉस तेलगूच्या या सीझनचे प्रसिद्ध स्पर्धक आहेत.
तेलगू बिग बॉस सीझन-6 चे सूत्रसंचालन सुपरस्टार नागार्जुनने(Nagarjuna) केले. यावेळी त्याने ट्रॉफीच्या बदल्यात 40 लाख रुपयांची ऑफर श्रीहन आणि रेवंत यांना दिली होती. श्रीहानने 40 लाखांची ऑफर स्वीकारली आणि तो त्या पर्वाचा पहिला उपविजेता ठरला.
विजेत्यावर बक्षिसांचा वर्षाव
श्रीहानने ऑफर स्वीकारताच रेवंतला विजेता म्हणून घोषित करण्यात आले. महत्त्वाची गोष्ट म्हणजे श्रीहानला रेवंतपेक्षा जास्त मते मिळाली होती. त्याने माघार घेतली नसती तर तो आज विजेता ठरला असता. रेवंतला ट्रॉफीसह 10 लाख रुपये रोख, एक नवीन कार आणि 25 लाख रुपयांचे घर देण्यात आले.
हे प्रतिस्पर्धी होते 6 व्या सीझनमध्ये सामील
तेलगू बिग बॉस-6 मध्ये रेवंत आणि श्रीहन यांच्यासह त्या घरामध्ये राज शेखर, आदी रेड्डी,किर्ती भट्ट, रोहित साहनी, श्री सत्य, इनाया सुल्ताना, मरीना अब्राहम सॅनी, फॅमा, वसंती कृष्णन, बाला आदित्य, गीतू रोयल, आरजे सूर्या, अर्जुन कल्याण, अरोही राव, नेहा चौधरी, अभिनाया श्री, शनी अशा १९ कलाकारांनी सहभाग घेतला होता.
हे आहेत सूत्रसंचालक
तेलगूबरोबरच हिंदी आणि मराठी बिग बॉसला देखील प्रेक्षकांची प्रचंड पसंती मिळत आहे. हिंदी बिग बॉसचे सूत्रसंचालन सलमान खान(Salman Khan) तर मराठी बिग बॉसचे सूत्रसंचालन महेश मांजरेकर(Mahesh Manjrekar) करत आहेत.
