देशातील खासगी क्षेत्रातील पंजाब अँड सिंध बँकेने (Punjab and Sind Bank) आपल्या ग्राहकांना आनंदाची बातमी दिली आहे. बँकेने मुदत ठेवींवरील (FD) व्याजदरात फेरबदल केले आहेत. 2 कोटींपेक्षा कमी रकमेच्या मुदत ठेवींवरील व्याजदरात हे बदल करण्यात आले आहेत. ज्याचा गुंतवणूक कालावधी 7 दिवसापासून ते 10 वर्षापर्यंतचा आहे. बँक ग्राहकांना मुदत ठेवीवर 2.80 टक्के ते 7.10 टक्के व्याजदर देत आहे. बँकेचे नवीन व्याजदर 1 जुलै 2023 पासून लागू करण्यात आले आहेत. जर तुम्हीही पंजाब अँड सिंध बँकेमध्ये मुदत ठेव करण्याचा विचार करत असाल, तर नवीन व्याजदर जाणून घ्या.
7 दिवस ते 179 दिवसांमधील गुंतवणुकीवर मिळणार इतका व्याजदर
पंजाब अँड सिंध बँक (Punjab and Sind Bank) ग्राहकांना 7 दिवस ते 30 दिवसांच्या मुदत ठेवीवर (FD) 2.80% व्याजदर देणार आहेत. तर 31 दिवस ते 45 दिवसांच्या मुदत ठेवीवर ग्राहकांना 3% व्याज मिळणार आहे. तसेच 46 दिवस ते 90 दिवसांच्या मुदत ठेवीवर ग्राहकांना 4.60% व्याज आणि 91 दिवस ते 179 दिवसांच्या गुंतवणुकीवर 4.75 % व्याजदर देण्यात येत आहे.
विशेष मुदत ठेवीवर मिळतोय ‘इतका’ व्याजदर
पंजाब अँड सिंध बँक (Punjab and Sind Bank) 180 दिवस ते 364 दिवसांच्या कालावधीसाठी 6% व्याजदर देणार आहे. तर 1 वर्ष ते 399 दिवसांच्या मुदतीच्या ठेवींवर सध्या 6.40% व्याज मिळत आहे. पंजाब अँड सिंध बँक 400 दिवसांची विशेष मुदत ठेव योजना (Special FD Scheme) राबवत आहे. या योजनेत 7.10% व्याज देण्यात येत आहे. विशेष मुदत ठेवीवरील व्याजदर हा 30 सप्टेंबर 2023 पर्यंतच वैध असणार आहे.
त्याचप्रमाणे 401 दिवस ते 554 दिवसांच्या मुदत ठेवींवर 6.40% व्याज देण्यात येत आहे. 555 दिवसांत मॅच्युअर होणाऱ्या मुदत ठेवींवर सर्वाधिक 7.35% व्याज दिले जाणार आहे. तर 556 दिवस ते 600 दिवसांच्या ठेवीवर 6.40% व्याजदर मिळणार आहे.
ज्येष्ठ नागरिकांना मिळणार 0.50 टक्के जास्त व्याजदर
पंजाब अँड सिंध बँकेने 1 जुलै 2023 पासून नवे व्याजदर लागू केले आहेत. सर्वसामान्य नागरिकांना मिळणारा व्याजदरावर नमूद करण्यात आला आहे. तर ज्येष्ठ नागरिकांना वरील कालावधीतील मुदत ठेवीवरील गुंतवणुकीसाठी बँक 0. 50 % जास्त व्याजदर देणार आहे. ज्येष्ठ नागरिकांना बँक 3.30% ते 7.60 % व्याज देणार आहे. तसेच 80 वर्षावरील ज्येष्ठ नागरिकांना 0.15% जास्त व्याजदर मिळणार आहे.
Source: economictimes.com
