एकीकडे यूरोपमधील देश 4 दिवसांचा कामाचा आठवडा करण्याचा विचार करत असताना, भारतात आठवड्याला 70 तास काम करण्याविषयी चर्चा सुरू झाल्या आहेत. इन्फोसिसचे सह-संस्थापक नारायण मूर्ती यांनी आठवड्याचे 70 तास काम करायला हवे, असे मत व्यक्त केले होते. त्यापाठोपाठ कर्नाटक सरकारने देखील दिवसाला 14 तास काम करण्याचा प्रस्ताव आणण्यात आला होता.

कर्नाटक सरकारने कामाचे तास वाढविण्यासंदर्भात आणलेल्या या प्रस्तावावर सोशल मीडियावर चर्चा रंगल्याचे पाहायला मिळाले. कामाचे तास वाढवावे की नाही, याविषयी दोन्ही बाजूंनी मते मांडली जात आहेत. मात्र, खरचं दिवसाचे कामाचे तास वाढवले तर त्याचा फायदा होईल की तोटा? याविषयी जाणून घेणे गरजेचे आहे.

अनेक देशात 4 दिवसांचा कामाचा आठवडा

सर्वसाधारणपणे अनेक देशांमध्ये आठवड्याचे 40 तास काम करण्याचा नियम असतो. बहुतांश कंपन्यांमध्ये दिवसाला कमीत कमी 8 तास व आठवड्याला 5 दिवस काम करावे लागते. जर्मनी, ब्रिटन, नेदरलँड, स्विडन सारख्या देशांमध्ये कामाचा आठवडा 4 दिवसांचा करण्यावर विचार सुरू आहे. अनेक कंपन्यांनी हा नियम लागू देखील केला आहे.

मात्र, भारतातील कायदे हे कर्मचाऱ्यांऐवजी कंपन्यांच्याबाजूला अधिक झुकलेले असल्याचे पाहायला मिळते. भारतातील असंघटित क्षेत्रातील कर्मचाऱ्यांना आठवड्याचे सातही दिवस काम करावे लागते. तर ज्या आयटी कंपन्यांचा कामाचा आठवडा 5 दिवसांचा असतो, तेथे कर्मचाऱ्यांना दररोज अतिरिक्त तास काम करावे लागते. आरोग्य व सुरक्षा क्षेत्रात काम करणारे कर्मचारी देखील दररोज 10 ते 12 तास काम करताना पाहायला मिळतात.

दररोज 14 तास काम करण्याचे फायदे काय?

दररोज 14 तास काम करण्याचे फायदे तोटे काय आहेत?