30 वर्षांखालील बारा लोकांनी फोर्ब्सच्या 2022 च्या जागतिक अब्जाधीशांच्या यादीत (World’s Youngest Billionaires 2022) स्थान मिळवले. यात चार स्टॅनफोर्डमधील ड्रॉपआऊट, दोन फूड डिलिव्हरी कंपन्यांचे मालक आणि एका क्रिप्टोकरन्सी विझचा समावेश आहे. या सर्व तरूण अब्जाधीशांची एकूण मिळकत 25.8 अब्ज डॉलर एवढी आहे आणि फोर्ब्सने 2022 साठी शोधलेल्या एकूण 2,668 अब्जाधीशांपैकी तरूण अब्जाधीसांची संख्या ही अर्ध्या टक्‍क्‍यांपेक्षा कमी आहे.
30 वर्षांखालील चार अब्जाधीश हे स्वत:च्या मेहनतीने इथपर्यंत पोहोचले आहेत. त्यांचा प्रथमच यादीत समावेश झाला आहे. यात सर्वाधिक श्रीमंत गॅरी वांग (Gary Wang) हा आहे. त्याचे वय 28 वर्षे असून तो बहामास क्रिप्टोकरन्सी एक्सचेंज FTX चा सहसंस्थापक आणि मुख्य तंत्रज्ञान अधिकारी आहे. गॅरीचा सहकारी आणि FTX चा सीईओ आणि सहसंस्थापक सॅम बँकमन-फ्राइड, जो नुकताच मार्च महिन्यामध्ये 30 वर्षांचा झाला आहे. गेल्या वर्षी तो सर्वाधिक 20 श्रीमंत व्यक्तींच्या (Richest 20) यादीत होता. त्यावेळा त्याची एकूण संपत्ती अंदाजे 8.7 अब्ज डॉलर होती. गॅरी वांगला जॉईंट होणार 27 वर्षीय रायन ब्रेस्लो, ज्याची संपत्ती अंदाजे 2 अब्ज डॉलर आहे. तो या वर्षाच्या सुरुवातीला सीईओ पदावरून पायउतार होण्यापूर्वी लाइटनिंग-फास्ट पेमेंट सॉफ्टवेअर कंपनी बोल्ट तयार करण्यासाठी स्टॅनफोर्डमधून बाहेर पडला होता.
नव्याने या यादीत आलेले पेड्रो फ्रान्सेची आणि हेन्रिक डुबुग्रास हे स्टॅनफोर्डचे ड्रॉपआऊट आहेत. या जानेवारीमध्ये त्यांच्या कॉर्पोरेट क्रेडिट कार्ड स्टार्टअप ब्रेक्सने 12.3 अब्ज डॉलरचा पल्ला गाठला. तेव्हा त्यांचा अब्जाधीशांच्या क्रमवारीत समावेश झाला. ब्राझीलमध्ये जन्म झालेल्या या दोघांची वये अनुक्रमे 25 आणि 26 वर्षे आहेत. त्यांची सध्याची एकूण संपत्ती अंदाजे 1.5 अब्ज डॉलर एवढी आहे.
2022 च्या तरूण अब्जाधीशांच्या यादीत एकूण 30 वर्षांखालील व्यक्तींमध्ये 7 जण हे स्वत:च्या हिमतीवर अब्जाधीश झालेले आहेत. स्टॅनली टँग आणि अँडी फॅंग (Stanley Tang & Andy Fang) टॉनी क्सू यांच्यासोबत 2013 मध्ये यांनी फूड डिलिव्हरी अॅप DoorDash ची स्थापना केली होती. टॉनीचे आताचे वय 37 आहे; तर स्टॅनली आणि अँडीचे वय 29 वर्ष आहे.
2020 मध्ये जेव्हा कंपनी सार्वजनिक झाली तेव्हा त्यांच्या प्रत्येक स्टेकची किंमत 2 अब्ज डॉलरपेक्षा जास्त होती. तेव्हापासून स्टॉकमध्ये चढ-उतार झाले तरी दोघांची किंमत अजूनही अंदाजे 1.2 आणि 1.1 बिलियन डॉलर एवढी आहे.
ऑस्टिन रसेल (Austin Russell) ज्याची ऑटोमोटिव्ह सेन्सर फर्म Luminar Technologies डिसेंबर 2020 मध्ये सार्वजनिक झाली तेव्हा तो जगातील सर्वात तरुण अब्जाधीश झाला होता. पण त्याच्या कंपनीचे शेअर्सही गडगडले आणि त्यामुळे त्याची एकूण संपत्ती एक तृतीयांशने कमी झाली. , त्याच्या नशिबातही घसरण झाली. आता 27, रसेलची एकूण संपत्ती एक तृतीयांश कमी झाली आहे.
19 वर्षीय केविन डेव्हिड लेहमन (Kevin David Lehmann) याने दुसऱ्या वर्षी जगातील सर्वात तरुण अब्जाधीशाचा किताब पटकावला आहे. ज्याची एकूण संपत्ती 2.4 अब्ज डॉलर आहे. या यादीत एका किशोरवयीन मुलाचाही समावेश झाला आहे. या मुलाला त्याच्या वडिलांच्या कंपनीतले 50 टक्के हक्क मिळाल्याने त्याचाही या यादीत समावेश झाला आहे.
30 वर्षांखालील इतर चार जणांनी या यादीत समावेश झाल्याबद्दल आपल्या पालकांचे आभार मानले आहेत. गुस्ताव मॅग्नार वित्झो (वय 28) हा या जगातील सर्वात मोठ्या सॅल्मन ऑपरेशन्सपैकी एक वारसदार आहे. वांग झेलॉन्ग (वय 25) ज्याला दोन चिनी रासायनिक कंपन्यांमधील हक्क वारशाने मिळाले आहेत. त्याचबरोबर नॉर्वेजियन बहिणी अलेक्झांड्रा (25) आणि कॅथरीना अँड्रेसेन (26) यांचाही या यादीत समावेश आहे.
image source - https://bit.ly/3AwZ9zQ
