शेतकऱ्यांसाठी एक आनंदाची बातमी आहे. देशात गव्हाच्या दराने प्रतिक्विंटल 3000 रुपयांचा टप्पा (Wheat crossed the Rs 3000 per quintal mark) ओलांडला आहे. त्याचबरोबर गहू महाग होताच पिठाच्या दरातही पुन्हा एकदा वाढ झाली आहे. आता एक किलो पिठाची किंमत 40 रुपयांहून अधिक झाली आहे. दुसरीकडे, नवीन गव्हाचे पीक येण्यास दोन महिन्यांहून अधिक कालावधी लागणार असल्याचे तज्ज्ञांचे म्हणणे आहे. अशा स्थितीत गव्हाचे भाव आणखी वाढू शकतात, त्यामुळे महागाई वाढेल आणि खाद्यपदार्थ महाग होतील. त्यामुळे सर्वसामान्यांना मात्र महागाईचा सामना करावा लागू शकतो.
हे आहे कृषी तज्ज्ञांचे म्हणणे
कृषी तज्ज्ञांच्या मते गव्हाच्या भावात वाढ झाल्याने ज्या शेतकऱ्यांकडे आधीच गव्हाचा साठा आहे ते विकून मोठी कमाई करू शकतात. मात्र सर्वसामान्यांना महागाईचा फटका सहन करावा लागणार आहे. गरिबांच्या ताटातूनही भाकरी गायब होऊ शकते. यासोबतच ब्रेड, बिस्किटे आणि मैद्यापासून बनवलेले सर्व खाद्यपदार्थही महाग होऊ शकतात. त्याचबरोबर आता नवीन गव्हाचे पीक आल्यानंतरच दर खाली येऊ शकतात, असे कृषी तज्ज्ञांचे म्हणणे आहे.
जागतिक बाजारपेठा पूर्णपण उघडल्या नाहीत
जर आपण तेलबियांबद्दल बोललो तर त्यांचे दर संमिश्र आहेत.दिल्ली तेल-तेलबिया बाजारात मंगळवारी तेल-तेलबियांच्या किमतींमध्ये संमिश्र कल दिसून आला. सोयाबीन तेलबिया, कच्चे पाम तेल (सीपीओ) आणि पामोलिन तेलाच्या किमतीत सुधारणा झाली, तर सोयाबीन डिगम (आयात केलेले तेल) घसरले.बाजारातील सूत्रांनी सांगितले की, नवीन वर्षाच्या सुट्टीनंतर जागतिक बाजार पूर्णपणे उघडलेले नाहीत. मलेशिया एक्सचेंज सुमारे 2 टक्क्यांनी वर होता तर शिकागो एक्सचेंज उघडेल तेव्हाच ट्रेडिंग ट्रेंडबद्दल स्पष्टता असेल.
मार्च-एप्रिलमध्ये या पिकांची काढणी
त्याच वेळी, गेल्या आठवड्यात बातमी आली होती की येत्या काही दिवसांत पीठ स्वस्त होण्याची शक्यता आहे, कारण एक वर्षापूर्वीच्या तुलनेत गव्हाखालील एकूण क्षेत्र 3.59 टक्क्यांनी वाढून 325.10 लाख हेक्टरवर पोहोचले आहे. रब्बी पिकांची पेरणी अंतिम टप्प्यात आली आहे. गेल्या शुक्रवारी जाहीर झालेल्या कृषी मंत्रालयाच्या आकडेवारीत ही माहिती देण्यात आली आहे. मुख्य रब्बी पीक गव्हाची पेरणी ऑक्टोबरपासून सुरू झाली. मका, ज्वारी, हरभरा आणि मोहरी ही इतर प्रमुख रब्बी पिके आहेत. मार्च/एप्रिलमध्ये या पिकांची काढणी सुरू होईल.
