जर तुम्ही सुरक्षित गुंतवणूक शोधत असाल आणि त्यासोबतच कर बचतही करू इच्छित असाल, तर पोस्ट ऑफिसची नॅशनल सेव्हिंग सर्टिफिकेट (NSC) योजना उत्तम पर्याय आहे. ही योजना भारत सरकारकडून चालवली जाते, त्यामुळे तुमची रक्कम पूर्णपणे सुरक्षित राहते.
मुख्य वैशिष्ट्ये
- गुंतवणुकीचा कालावधी : ५ वर्षे
- व्याजदर : सध्या ७.७% (सरकार दर तीन महिन्यांनी बदल जाहीर करते)
- व्याज पद्धत : वार्षिक चक्रवाढ, पण व्याजाची रक्कम फक्त मुदत पूर्ण झाल्यावर मिळते
- किमान गुंतवणूक : ₹१,०००
- कमाल मर्यादा : नाही, इच्छेनुसार रक्कम गुंतवता येते
कर लाभ
- आयकर कायद्याच्या कलम ८०सी अंतर्गत गुंतवणुकीवर कर सवलत मिळते.
- गुंतवणुकीवरील व्याज पुन्हा गुंतवणुकीत धरले जाते, ज्यामुळे पुढे चांगला परतावा मिळतो.
इतर सुविधा
- गरज पडल्यास गुंतवणुकीवर कर्ज घेण्याची सोय आहे.
- योजना पूर्णपणे सरकारद्वारे हमीदार असल्यामुळे जोखीम नाही.
- खाते जवळच्या पोस्ट ऑफिसमध्ये किंवा ऑनलाइन पद्धतीनं सहज उघडता येतं.
गुंतवणुकीचे उदाहरण
जर एखाद्या गुंतवणूकदाराने ₹४,००,००० एनएससीमध्ये गुंतवले, तर ५ वर्षांनंतर त्याला अंदाजे ₹१,७९,६०० व्याज मिळेल. म्हणजेच, मुदतपूर्तीवेळी एकूण रक्कम ₹५,७९,६०० च्या आसपास होईल.
