Hero Launched Bike For Youth : देशातील टॉप टू व्हीलर उत्पादक कंपन्यांपैकी एक असलेल्या Hero Motocorp ने अनेक नवीन वैशिष्ट्यांसह XPulse 200 4V मॉडेल लाँच केले आहे. ही एंट्री-लेव्हल अॅडव्हेंचर मोटरसायकल आता दोन प्रकारांमध्ये सादर केली गेली आहे. Hero XPulse 200 4V च्या या एक्स-शोरूम मॉडेलची सुरुवातीची किंमत 1.43 लाख रुपये एवढी आहे.
नवीन डिझाइन
Hero MotoCorp ने सादर केलेल्या XPulse 200 4V या नवीन मॉडेलमध्ये डिझाइनच्या आघाडीवर अनेक बदल करण्यात आले आहेत. ग्राहकांना प्रामुख्याने 60 मिमी उंच विंडस्क्रीन, एलईडी (डीआरएल) हेडलाइट्स, मोठे हँड गार्ड, अपडेटेड स्विच गियर्स, अपडेटेड रायडर ट्रँगल मिळतात.
आधुनिक इंजिनाची वैशिष्ट्ये
इंजिनबद्दल सांगायचे तर, कंपनीने XPulse 200 4V चे इंजिन अपग्रेड केले आहे आणि 200cc ऑइल कूल्ड इंजिनसारखे मजबूत इंजिन दिले आहे. आता OBD-2 देखील इंजिनमध्ये दिले जात आहे. हे इंजिन E20 वर चालण्यास देखील अतिशय सक्षम आहे. Hero XPulse 200 4V मध्ये मल्टिपल एबीएस मोड देखील दिले जात आहेत. जे स्पोर्टिंग रोड, ऑफ रोड आणि रॅलीमध्ये उपयोगास येणार आहे. कंपनीने दिलेला एबीएसचा हा मोड, वाहनाची ब्रेकिंग कार्यक्षमता पूर्वीपेक्षा अधिक सुधारण्यास मदत करेल. त्यामुळे चालकाला वाहनावर चांगले नियंत्रण ठेवता येणार आहे.
बाइकची किंमत
बाइक प्रेमींसाठी कंपनीने Hero XPulse 200 4V चे दोन प्रकार बाजारात आणले आहेत. बाइकच्या दोन्ही व्हेरियंटच्या किंमती वेगळ्या ठेवण्यात आल्या आहेत. या दोन्ही प्रकारांची किंमत पाहिली तर,स्टैंडर्ड वेरिएंट्सची किंमत 1.43 लाख रुपये आणि प्रो व्हेरिएंटची किंमत 1.5 लाख रुपये ठेवण्यात आली आहे.
