All money in bank account gone with FASTag recharge: देशात सायबर आणि डिजिटल तंत्रज्ञानाचा वापर वाढत असल्याने सायबर गुन्ह्यांमध्येही वाढ होत आहे. दिवसागणिक सायबर फ्रॉडची प्रकरणे वाढत आहेत. त्यामुळे पोलीस खात्यातील सायबर पोलिसांच्या टिमची संख्याही वाढवण्यात आलेली आहे. नुकतेच सायबर फसवणुकीचे आणखी एक नवीन प्रकरण समोर आले आहे. एका मीडिया रिपोर्टनुसार, नुकतेच कर्नाटकमध्ये फसवणुकीचे एक प्रकरण समोर आले आहे, ज्यामध्ये एका व्यक्तीची 1 लाख रुपयांची फसवणूक झाली आहे.
फ्रान्सिस पायस नावाचा हा व्यक्ती आपल्या चारचाकी वाहनातून ब्रह्मवराहून मंगळुरूला जात होता. त्याचा फास्टॅग (FASTag) शिल्लक कमी होता, त्यामुळे टोल भरण्यासाठी त्याला त्याचा फास्टॅग रिचार्ज करणे आवश्यक होते, म्हणून त्याला इंटरनेटवर हेल्पलाइन नंबर सापडला, त्यानंतर त्याला पाच व्यवहारांमध्ये एकूण 99,997 रुपयांचे नुकसान झाले.
रिपोर्टनुसार, जेव्हा फ्रान्सिसने कॉल केला तेव्हा त्या व्यक्तीने स्वत:ला फास्टॅगचा प्रतिनिधी असल्याचे सांगून मदत करण्याचे आश्वासन दिले. फसवणूक करणाऱ्याने फ्रान्सिसला त्याच्या मोबाईलवर मिळालेला वन-टाइम पासवर्ड (OTP: One Time Password) शेअर करण्यास सांगितले. पायसने त्या व्यक्तीच्या सूचनांचे पालन केले आणि त्यानंतर त्याची फसवणूक झाली.
फास्टॅग म्हणजे काय? (What is FASTag?)
फास्टॅग ही इलेक्ट्रॉनिक टोल संकलन प्रणाली आहे. हे भारतीय राष्ट्रीय महामार्ग प्राधिकरण (NHAI) द्वारे चालवले जाते. रेडिओ फ्रिक्वेन्सी आयडेंटिफिकेशन (RFID: Radio-Frequency IDentification) तंत्रज्ञानावर आधारित, फास्टॅग वाहनांच्या विंडशील्डवर बसवले जाते. टोल संकलनासाठी हा प्रीपेड रिचार्जेबल टॅग आहे.
या गोष्टी लक्षात ठेवा (Remember these things)
तुम्हालाही बँक फसवणूक टाळायची असेल, तर तुम्ही दोन गोष्टींची विशेष काळजी घ्यावी. जर तुम्हाला कोणत्याही बँक, किंवा कंपनी किंवा संस्थेला कॉल करायचा असेल तर त्यांचा हेल्पलाइन नंबर त्यांच्या अधिकृत वेबसाइटवरूनच घ्या. याशिवाय, हे देखील लक्षात ठेवा की बँक किंवा कोणतीही कंपनी कधीही ग्राहकांकडून ओटीपी मागत नाही. जर कोणी तुम्हाला ओटीपी विचारत असेल तर सावध रहा.
