• 09 Feb, 2023 07:46

Aren't we all searching for something?

Not sure what to search? Here are some topics that we can suggest you:

Stock Market closed: सेन्सेक्स 237 अंकांनी घसरला, निफ्टी 18 हजार अंकांच्या खाली झाला बंद

Share Market Closed

Stock Market closed: आज शुक्रवार, दिनांक 20 जानेवारी रोजी सकाळी शेअर बाजाराची सुरुवात नकारात्मक झाली होती आणि संध्याकाळी बाजार लाल चिन्हावर बंद झाला. आज सर्वाधिक हिंदुस्तान युनिलिव्हरचे शेअर्स घसरले आहेत. कंपनीच्या तिमाहिचा निकाल सकारात्मक येऊनही, शेअर्स घसरत आहेत. इतर कोणते स्टॉक खालावले, कोणते वधारले, याबाबतची एकूण आढावा या बातमीतून समजून घेता येईल.

Stock Market Closing Bell: एफएमसीजी, मेटल आणि फार्मा क्षेत्रात मोठ्या प्रमाणात विक्री झाल्यामुळे शुक्रवारी, 20 जानेवारी रोजी देशांतर्गत शेअर बाजार घसरणीसह बंद झाले. बीएसई सेन्सेक्स (BSE Sensex)  236.66 अंकांनी म्हणजेच 0.39 टक्क्यांनी घसरून 60 हजार 621.77 अंकांच्या पातळीवर बंद झाला. त्याचप्रमाणे एनएसई निफ्टी (NSE Nifty)  80.20 अंकांनी म्हणजेच 0.44 टक्क्यांनी घसरून 18 हजार 27.65 अंकांच्या पातळीवर बंद झाला. क्षेत्रीय निर्देशांकांबद्दल बोलायचे झाल्यास, धातू आणि एफएमसीजी निर्देशांक सुमारे एक टक्क्यांनी घसरले. बीएसई मिडकॅप आणि स्मॉलकॅप निर्देशांक सपाट बंद झाले.

हे शेअर्स सर्वाधिक घसरले (These shares fell the most)

हिंदुस्तान युनिलिव्हर लिमिटेड (HUL: Hindustan Unilever) बीएसई सेन्सेक्स (BSE Sensex) 3.84 टक्क्यांनी घसरून सर्वात जास्त बंद झाला. त्याचप्रमाणे एशियन पेंट्स (Asian Paints) 2.79 टक्क्यांनी, बजाज फायनान्स (Bajaj Finance) 2.57 टक्क्यांनी, नेस्ले इंडिया (Nestle India) 2.37 टक्क्यांनी, बजाज फिनसर्व्ह (Bajaj FinServ) 1.58 टक्क्यांनी, रिलायन्स इंडस्ट्रीज (Reliance Industries) 1.15 टक्क्यांनी घसरले. याशिवाय लार्सन अँड टुब्रो (Larsen and Toubro), इन्फोसिस (Infosys), सन फार्मा (Sun Pharma), भारती एअरटेल (Bharti Airtel), मारुती (Maruti), अल्ट्राटेक सिमेंट (Ultratech Cement) आणि टेक महिंद्रा (Tech Mahindra) यांचे समभाग लाल चिन्हाने बंद झाले.

हे शेअर्स सर्वाधिक वधारले (These shares rose the most)

पॉवरग्रीड (PowerGrid), एचडीएफसी बँक (HDFC Bank), एचडीएफसी (HDFC), आयटीसी (ITC), टाटा मोटर्स (Tata Motors), आयसीआयसीआय बँक (ICICI Bank) आणि एसबीआयचे (SBI) शेअर्स बीएसई सेन्सेक्सवर हिरव्या चिन्हासह बंद झाले.

रुपया 23 पैशांनी वाढून बंद झाला (Rupee closed up by 23 paise)

अमेरिकन डॉलरच्या तुलनेत रुपया 23 पैशांनी वाढून 81.12 वर बंद झाला. मागील सत्रात तो 81.35 च्या पातळीवर बंद झाला होता.

तज्ज्ञांचे मत जाणून घ्या (Expert opinion)

जिओजित फायनान्शिअल सर्व्हिसेसचे संशोधन प्रमुख विनोद नायर म्हणाले की, वॉल स्ट्रीटकडून कमकुवत संकेत असूनही, चीनमधील आर्थिक क्रियाकलाप पुन्हा सुरू होण्याच्या अपेक्षेने देशांतर्गत शेअर बाजारात खरेदीचा कल होता. तथापि, जागतिक आर्थिक मंदीशी संबंधित चिंतेमुळे, शेवटी बाजारात कमजोरी दिसून आली. बँकिंग समभाग वगळता सर्वच क्षेत्रात विक्रीचा दबाव दिसून आला.

 

(डिसक्लेमर: शेअर बाजारात गुंतवणूक करण्यापूर्वी सेबी अधिकृत अर्थतज्ज्ञांचा सल्ला घ्यावा. या बातमीद्वारे वाचकांना फक्त माहिती दिली जात आहे. महामनी शेअर्स खरेदी-विक्रीचा सल्ला देत नाही.)