• 05 Feb, 2023 14:05

Aren't we all searching for something?

Not sure what to search? Here are some topics that we can suggest you:

Stock Market closed: एमएमसीजी स्टॉक्सच्या विक्रीमुळे सेन्सेक्समध्ये 187 अंकांनी घसरण

Share Market Closed

Stock Market closed: आज गुरुवार, दिनांक 19 जानेवारी रोजी सकाळी शेअर बाजाराची सुरुवात नकारात्मक झाली होती आणि संध्याकाळी बाजार लाल चिन्हावर बंद झाला. कोणते स्टॉक खालावले, कोणते वधारले, याबाबतची एकूण आढावा या बातमीतून समजून घेता येईल.

Stock Market Closing Bell: आज, गुरुवार दिनांक 19 जानेवारी रोजी देशांतर्गत शेअर बाजार घसरणीसह बंद झाले. बीएसईचा 30 समभागांचा प्रमुख निर्देशांक बीएसई (BSE Sensex) 187.31 अंकांनी म्हणजेच 0.31 टक्क्यांनी घसरून 60 हजार 858.43 अंकांच्या पातळीवर बंद झाला. एनएसई निफ्टी (NSE Nifty) 57.50 अंकांच्या, म्हणजे 0.32 टक्क्यांच्या घसरणीसह 18 हजार 107.85 अंकांच्या पातळीवर बंद झाला. क्षेत्रीय निर्देशांकांबद्दल बोलायचे झाले तर पॉवर, एफएमसीजी आणि ऑटो 0.5 ते 1 टक्क्यांनी घसरले.

हे शेअर्स सर्वाधिक घसरले (These shares fell the most)

सेन्सेक्समध्ये एशियन पेंट्स सर्वाधिक 2.64 टक्क्यांनी घसरून बंद झाले. त्याचप्रमाणे टाटा मोटर्स (Tata Motors), इंडसइंड बँक (IndusInd Bank), कोटक महिंद्रा बँक (Kotak Mahindra Bank), टायटन (Titan), हिंदुस्तान युनिलिव्हर लिमिटेड (HUL), अल्ट्राटेक सिमेंट (Ultratech Cement), नेस्ले इंडिया (Nestle India) बजाज फिनसर्व्ह (Bajaj Finserv), आयटीसी (ITC), भारती एअरटेल (Bharti Airtel) आणि टीसीएस (TCS) या सर्व कंपन्यांचे शेअर्स खालावले आहेत.

हे शेअर्स सर्वाधिक वधारले (These shares rose the most)

टाटा स्टीलचा (Tata Steel) समभाग सेन्सेक्समध्ये सर्वाधिक 0.73 टक्क्यांच्या वाढीसह बंद झाला. त्याचप्रमाणे पॉवरग्रीड (Powergrid), टेक महिंद्रा (Tech Mahindra), अॅक्सिस बँक (Axis Bank), एचडीएफसी बँक (HDFC Bank), लार्सन अँड टुब्रो (Larsen and Toubro), एचडीएफसी (HDFC), बजाज फायनान्स (Bajaj Finance), मारुती (Maruti) आणि विप्रो (Wipro) यांचे समभाग हिरव्या चिन्हासह बंद झाले.

रुपया 11 पैशांनी घसरला (Rupee fell by 11 paise)

अमेरिकन डॉलरच्या तुलनेत भारतीय रुपया 11 पैशांनी कमजोर होऊन 81.35 वर बंद झाला. मागील सत्रात तो 81.24 च्या पातळीवर बंद झाला होता.

तज्ज्ञांचे मत जाणून घ्या (Expert opinion)

विश्लेषकांचे म्हणणे आहे की आशियाई चलनाच्या घसरणीच्या दरम्यान देशांतर्गत समभागांमध्ये झालेल्या विक्रीमुळे शेअर बाजारातील कमजोरी दिसून आली. मात्र, काही स्टार्टअप कंपन्यांना संस्थात्मक गुंतवणूकदारांकडून चांगला पाठिंबा मिळू लागला आहे. यासह, गुंतवणूकदार कोणत्याही मोठ्या ट्रिगरची वाट पाहत आहेत आणि सर्वांचे डोळे अमेरिकेच्या अर्थव्यवस्थेशी संबंधित संकेतांवर आहेत.