बॉलिवूडमध्ये काम करणाऱ्या अभिनेत्यांना आणि अभिनेत्रींना तुम्ही टीव्ही स्क्रीनवर आजवर बघितले असेल. परंतु तुम्ही बॉलीवूड सेलिब्रिटींना तुमच्या खासगी लग्नसमारंभात आमंत्रित करू शकता आणि त्यांना तुमच्या पाहुण्यांसाठी परफॉर्म करण्यास सांगू शकता. परंतु त्यासाठी तुम्हांला हे सेलिब्रिटी किती मानधन घेतात हे माहिती हवं. आम्ही तुम्हाला सांगू इच्छितो की सेलिब्रिटींचे मानधन सामान्य लोकांच्या आवाक्यातले नाही. जर तुम्हाला अजूनही तुमच्या लग्नाच्या दिवशी एखाद्या सेलिब्रिटीने परफॉर्म करावे असे वाटत असेल, तर ते अशा देखाव्यासाठी किती पैसे घेतात ते या लेखात जाणून घ्या.
1. शाहरुख खान (Shah Rukh Khan)
बॉलिवूडचा किंग खान आणि सुपरस्टार शाहरुख तुमच्या घरी डान्स करायला येऊ शकतो. किंग खान हा प्रेक्षकांचा आवडता हिरो आहे हे काही वेगळे सांगायला नको. विवाहसोहळ्यांव्यतिरिक्त, SRK उदघाटन समारंभ किंवा कॉर्पोरेट समिट सारख्या खाजगी कार्यक्रमांमध्ये देखील दिसतो.मीडिया रिपोर्टनुसार, तो 40 मिनिटांच्या शोसाठी ₹2 कोटी आणि मोठ्या कार्यक्रमात सादरीकरणासाठी ₹8 कोटी रुपये इतके मानधन आकारतो. असेही म्हटले जाते की शाहरुख फक्त त्याच्या ओळखीच्या कनेक्शनमधलाच लग्नाला उपस्थित राहतो.
2. सोनाक्षी सिन्हा (Sonakshi Sinha)
'दबंग' फेम अभिनेत्री असलेली सोनाक्षी एका लग्नात परफॉर्मन्ससाठी 25 लाख रुपये आकारते. पण या खर्चात तिच्या केशभूषेचा आणि मेकअपचा समावेश नाही. त्यासाठी ती स्वतंत्र पैसे आकारते.
3. सलमान खान (Salman Khan)
देशातील नामवंत व्यक्तींच्या खासगी विवाहसोहळ्यात बॉलीवूडच्या सलमान भाईंचे परफॉर्मन्सचे व्हिडिओ तुम्ही पाहिले असतील. कोणत्याही कार्यक्रमात हजर राहण्यासाठी आणि परफॉर्म करण्यासाठी सलमान खान ₹1.50 कोटी ते ₹2 कोटी रुपये आकारतो.
4. दीपिका पदुकोण (Deepika Padukone)
सध्या बॉलीवूडमधील सर्वाधिक मानधन घेतलेल्या कलाकारांपैकी एक म्हणून दीपिका ओळखली जाते. दीपिका लग्न आणि कॉर्पोरेट इव्हेंट्ससह खाजगी कार्यक्रमांमध्ये तिच्या नृत्य सादरीकरणासाठी सुमारे ₹1 कोटी शुल्क आकारते.
5. रणवीर सिंग (Ranveer Singh)
रणवीर सिंग हा अभिनेता 'पॉवरहाऊस' म्हणून ओळखला जातो आणि कोणत्याही कार्यक्रमात भरपूर एनर्जीसह सादरीकरण करतो. रणवीर नक्कीच कंटाळवाण्या लग्नाला अशा गोष्टीत बदलू शकतो जिथे घरातले वयोवृध्द देखील नाचू लागतील. मीडिया रिपोर्टनुसार, रणवीर एका लग्नात हजेरी लावण्यासाठी ₹70 लाख आणि त्या लग्नातील परफॉर्मन्ससाठी ₹1 कोटी रुपये इतके मानधन आकारतो.
6. अक्षय कुमार (Akshay Kumar)
मीडिया रिपोर्टनुसार, 'खिलाडी' अभिनेता लग्नात पाहुणे म्हणून येण्यासाठी 1.5 कोटी रुपये आकारतो. तुम्हाला त्‍याने परफॉर्म करावे असे वाटत असल्‍यास, तुम्हाला 2.5 कोटी रुपये खर्च करावे लागतील.
7. सनी लिओनी (Sunny Leone)
'बेबी डॉल' सनी ही खाजगी कार्यक्रमांसाठी पाहुणी म्हणून जात असते. यामध्ये विवाहसोहळे, लाँच पार्ट्या, उद्घाटने इत्यादींचा समावेश असू शकतो. रिपोर्ट्सनुसार, ती कार्यक्रमाला हजेरी लावण्यासाठी ₹20 लाख आणि लग्नांमध्ये परफॉर्म करण्यासाठी सुमारे ₹30 लाख रुपये इतके मानधन आकारते.
8. हृतिक रोशन ( Hrithik Roshan)
या अभिनेत्याच्या डान्सचे जगभरातले लोक दिवाने आहेत.त्याच्या डान्स मूव्हज बघण्यासाठी लोक लाखो रुपये खर्च करायला तयार असतात. मीडिया रिपोर्टनुसार, तो लग्नात हजेरी लावण्यासाठी आणि परफॉर्मन्ससाठी सुमारे 2 कोटी रुपये आकारतो.
9. अनुष्का शर्मा (Anushka Sharma)
'रब ने बना दी जोडी' फेम अनुष्का तुमच्या खासगी लग्नसोहळ्यात नक्कीच बहार आणू शकते. मीडिया रिपोर्टनुसार, ती एका कार्यक्रमाला हजेरी लावण्यासाठी ₹50 लाख आणि एका परफॉर्मन्ससाठी अंदाजे ₹70 लाख इतके मानधन घेते.
10. मलायका अरोरा (Malaika Arora)
'छैय्या छैय्या' गर्ल मलायका अरोरा ही कुठल्याही खासगी लग्नसमारंभात परफॉर्म करण्यासाठी 25 लाख ते 30 लाख रुपये आकारते. कार्यक्रमाच्या ठिकाणी जाण्यायेण्याचा आणि मुक्कामाचा खर्च यात समाविष्ट नाही. यासाठी यजमानांना वेगळे पैसे आकारावे लागतील.
