Table of contents [Show]
प्रादेशिक भाषेत वेगळी ओळख
दुधापासून तयार होणाऱ्या दह्याच्या पाकिटांवर केवळ दही हा शब्द छापण्याचा हा आदेश होता. यावा तामिळनाडूत मोठा विरोध झाला. या पाकिटांवर जे छापील लेबल आहे, त्याठिकाणी दही हा वापरला जात होता. मात्र विविध राज्यांत विविध भाषा बोलल्या जातात. दही या शब्दालाही प्रादेशिक भाषेत वेगळी ओळख आहे. त्यामुळे सरसकट दही हा एकच शब्द वापरण्यास किंवा पाकिटांवर छापण्यास राज्यांचा विशेषत: तामिळनाडूचा प्रखर विरोध पाहायला मिळाला. इंग्रजीसह प्रादेशिक भाषेतल्या नावांचाच वापर करण्यावर तामिळनाडू ठाम होते. त्यामुळे हा बदल करण्यात आला आहे.
Food safety regulator FSSAI revises its order, allows use of regional names in printed labels of curd packets amid political controversy in Tamil Nadu
— Press Trust of India (@PTI_News) March 30, 2023
लेबलवरच्या कंसात इतर कोणत्याही प्रचलित प्रादेशिक सामान्य नावासह 'दही' हा शब्द वापरण्याची आता फूड बिझनेस ऑपरेटर्सला (FBOs) परवानगी आहे. विविध राज्यांत दह्याला विविध नावानं उच्चारलं जातं. जसं इंग्लिशमध्ये कर्ड, मराठी, हिंदीत दही, तमिळमध्ये तय्यीर, तेलुगुमध्ये पेरुगू अशा नावांचा वापर केला जातो. म्हणजे पाकिटावर 'दही' (दही) अशाप्रकारचा उल्लेख आता असणार आहे. यासंबंधीचं निवेदनच एफएसएसएआयनं काढलं आहे. फर्मेंटेड मिल्क प्रोडक्ट्सच्या मानकांमधून 'दही' हा शब्द वगळण्यात आला. त्याबद्दल निवेदनं प्राप्त झाली. विविध निवेदनांनंतर या आदेशात सुधारणा करण्यात आलीय.
March 30, PRESS RELEASE@MoHFW_INDIA pic.twitter.com/iWjwUbzCt3
— FSSAI (@fssaiindia) March 30, 2023
मुख्यमंत्र्यांकडून संताप
तामिळनाडूचे मुख्यमंत्री एम. के. स्टॅलिन यांनी यावर संताप व्यक्त केला होता. हिंदी लादण्याचा विरोध करत त्यांनी एक ट्विट केलं होतं. आमच्यावर हिंदी लादण्यात येत असल्याबद्दल नाराजी त्यातून व्यक्त करण्यात आली होती. आमच्या मातृभाषेची अशी अवहेलना करणाऱ्यांना दक्षिणेतून कायमचं हद्दपार करण्याचा इशारा देण्यात आला होता. कर्नाटक तसंच तामिळनाडूतल्या दूध महासंघांनी दही या शब्दासह कंसात प्रादेशिक शब्द वापरावा असा आग्रह धरला. तामिळनाडूचे दुग्धविकास मंत्री एस. एम. नसर यांनी माध्यमांना याविषयी सरकारची भूमिका सांगितली. एफएसएसएआयच्या सूचना राज्यात अंमलात आणल्या जाणार नाहीत. दह्याच्या पॅकेटवर 'तय्यीर'असं लेबल लावलं जाणार असल्याचं त्यांनी म्हटलं होतं. दही या शब्दाचा तमिळ समतुल्य शब्द वापरण्यावर त्यांनी भर दिला होता. भारतीय अन्न सुरक्षा आणि मानक प्राधिकरणानं (FSSAI) या प्रखर विरोधाची दखल घेतली.
The unabashed insistences of #HindiImposition have come to the extent of directing us to label even a curd packet in Hindi, relegating Tamil & Kannada in our own states.
— M.K.Stalin (@mkstalin) March 29, 2023
Such brazen disregard to our mother tongues will make sure those responsible are banished from South forever. https://t.co/6qvARicfUw pic.twitter.com/gw07ypyouV
मिळालं एफएसएसएआयच्या सहसंचालकांच्या स्वाक्षरीचं पत्र
कर्नाटक दूध महासंघाला यासंबंधी एफएसएसएआयच्या सहसंचालकांच्या स्वाक्षरीचं एक पत्र मिळालंय. दह्याच्या पाकिटांवर आता अशाप्रकारचं लेबल लावलं जाईल. दही (दही), दही (मोसारू), दही (झामुत दौड), दही (तय्यीर), दही (पेरुगू). दह्यासाठी वेगवेगळ्या राज्यांमध्ये वापरल्या जाणार्‍या प्रादेशिक नामावलीवर आधारित हा आदेश देण्यात आला आहे.
