अर्थ मंत्रालयाने (Finance Ministry) आयकर भरणाऱ्यांना कर परतावा जारी केला आहे. जर तुम्हाला कर परतावा मिळाला नसेल तर याची अनेक कारणे असू शकतात. मात्र जर पूर्वीच्या ITR (Income Tax Return) फाइलिंगची थकबाकी मागणी प्रलंबित असेल, तर कर परतावा मिळण्यास विलंब होऊ शकतो. खरं तर, ज्या करदात्यांना आयटीआर फाइलिंगनंतर तपशीलांमध्ये कमतरता असल्याबद्दल सूचनेद्वारे आयकर विभागाने सूचित केले होते, त्यांनी जर उत्तर दिले नाही किंवा पोर्टलला भेट देऊन तपशील अपडेट केले नाहीत, तर त्यांना कर परतावा मिळण्यास विलंब होईल.
आयकर विभाग 2021-22 या आर्थिक वर्षासाठी आयटीआर फाईल करणाऱ्यांना कर परतावा जारी करत आहे. 1 एप्रिल ते 30 नोव्हेंबर 2022 पर्यंत 2.15 लाख कोटी रुपये कर परतावा म्हणून जारी करण्यात आले आहेत. केंद्रीय प्रत्यक्ष कर मंडळ करदात्यांना कर परतावा जारी करण्यासाठी ITR पुनरावलोकन देखील करत आहे. ज्या आयटीआर तपशिलांमध्ये त्रुटी किंवा कमतरता आढळून आल्या आहेत त्यांना तत्काळ दुरुस्त करण्याच्या सूचना पाठवल्या जात आहेत. अशा सूचना 2021-22 च्या करदात्यांना पाठवण्यात आल्या होत्या. नोटिस पाहण्यासाठी करदाते त्यांचा नोंदणीकृत ईमेल आयडी तपासू शकतात आणि सुधारणा केल्यानंतर नमूद केलेल्या माहितीची पुष्टी करू शकतात.
आयकरदात्याने काय करावे?
ज्या करदात्यांनी आयकर विभागाकडून मिळालेल्या सूचना सूचनेला उत्तर दिलेले नाही किंवा दिलेली माहिती दुरुस्त आणि अपडेट केलेली नाही अशा करदात्यांना यावेळी कर परतावा जारी करण्यात आलेला नाही. यासोबतच आयकर विभाग अशा करदात्यांना आयकर कायद्याच्या कलम 141 (1) अंतर्गत पुन्हा सूचना पाठवून सतर्क करत आहे. जर तुम्हाला नोटीस मिळाली असेल, तर तुम्हाला ITR प्रक्रिया केल्यानंतर ती तपासावी लागेल आणि पुष्टी करावी लागेल.
अशी तपासा कर परतावा स्थिती
- आयकर भरणाऱ्यांनी प्रथम अधिकृत वेबसाइट www.incometax.gov.in वर जा.
- आता आधार क्रमांक, पॅन क्रमांक किंवा यूजर आयडी टाकल्यानंतर पासवर्डद्वारे लॉग इन करा.
- यानंतर ई फाइल ऑप्शन अंतर्गत आयकर रिटर्नवर जा आणि फाइल रिटर्न पहा पर्याय निवडा.
- आता नवीनतम दाखल केलेला ITR तपासा आणि तपशील पहा वर क्लिक करा.
- यानंतर तुमची कर परतावा स्थिती दिसेल.
- परताव्याची रक्कम, इश्यूची तारीख किंवा आगामी परताव्याची तारीख इत्यादी परताव्याच्या स्थितीमध्ये पाहिली जाऊ शकतात.
